Nae dien dat op heden gecompar(eer)t is inde banc voir meye(re) ende/ scepen(en) jan herdewijck t(er) eende(r) ende katlijne vand(er) me(re)n poirt(er)sse/ t(er) ande(re) Aldair de voirs(creven) jan te kynne(n) gaff hoe dat de voirs(creven)/ poirt(er)sse seke(re) goede tsijne(n) versueke gerasteert met brieve(n) van/ des(er) stat uuytgescreve(n) hadde dair op hij hoopte dat sij v(er)doelt/ wa(r)e mids den reden(en) naebescr(even) te weten(e) want vanden/ selve(n) goeden questie was tussche(n) hem en(de) d(er) voirs(creven) katlijne(n)/ alsoe hij seyde voe(r) den officiael van camerijcke en(de) litispenden(tien)/ en(de) dat de selve katlijne voir en(de) eer sij de poirterie alh(ier) aenge/ nome(n) hadde aldair geciteert en(de) gedaicht hadde geweest gelijck/ eene cedulle geteekent bij e(n)nigen vanden greffiers vanden/ selve(n) hove uutwijsde de selve p(ro)cedu(r)e ald(air) gevuert hopen(de)/ dat zij d(air) mede verdoolt was aengesien dat sij aenveerden(de)/ de poirterie sculdich was nae des(er) stat recht alle calangie/ aff te doen(e) ende dat de voirs(creven) sake sculdich soude sijn ge/ re(n)voyeert te wordden voe(r) den selve(n) officiael Dair tegen/ de voirs(creven) katlijne sustin(eer)de want sij de handelinge hadde/ vanden goeden d(air) questie aff was en(de) tgebruyck dat voir/ al sculdich soude sijn nae des(er) stadt recht en(de) navolgen(de) den/ brieve(n) bij des(er) stadt gescr(even) tvoirs(creven) rastame(n)t afgedaen te/ wordden voir en(de) eer sij anderssins sculdich wa(r)e tantweerde(n)/ huer des gedragen(de) totte(n) rechte Oick en mocht dofficiael/ gheen kynnisse van goeden nemen al wairt al alsoe als/ de voirs(creven) jan mochte te kynne(n) geve(n) dat aengaen(de) den/ testame(n)te amelrijcx van doirne de sake voe(r) den voirs(creven)/ officiael hangen(de) was de voirs(creven) wed(er)p(ar)tie sustine(re)nde als/ bove(n) hue(r) voirg(eruerde) (con)clusie Es gewesen t(er) manissen smeyers/ dat de voirs(creven) jan sculd(ich) is tvoirs(creven) rastame(n)t voir al af te/ doen(e) En(de) heeft hij d(air)entende(n) d(er) voirs(creven) katlijne(n) oft hue(re)n goede(n)/ yet te eysschen dat hij dat doen mach met rechte navol/ gen(de) den welken de voirs(creven) jan tvoirs(creven) rastame(n)t afdede t(er)/ p(rese)ntien vand(er) wet In scampno septembr(is) xv