SAL7382, Act: R°44.1-V°45.1 (78 of 482)
Search Act
previous | next
Act R°44.1-V°45.1  
Act

Transcription

2020-01-07 by Dirk De Wever
It(em) jan de bruyne sone jans woenen(de) te leefdale inde p(ro)chie van/
rillair in p(rese)ncia heeft genome(n) en(de) bekint genome(n) te hebben(e)/
van he(re)n janne van optielt willem(me) puttarts janne vande(n) berghe/
en(de) janne calentijn prieste(re)n en(de) capelane(n) van sinte peters te/
loeven(e) als meest(er)s vand(en) distribucie(n) der capelane(n) van sinte te/
loeven(e) dwinhof der selver distribucien toebehoiren(de) geheete(n)/
thoff van leefdale gelegen te rillaer metten huysen hoven lande(n)/
boeg(ar)den beempde(n) en(de) heyde(n) gelijc hier nae v(er)cleert steet Inden/
iersten xiiii oft xv boende(re)n wynnens lants luttel myn oft/
meer dair mede gerekent den eene(n) boeg(ar)t die wy(n)nende/
lant is en(de) blive(n) moet Te houden en(de) te hebben van halfmerte/
lestleden eene(n) t(er)mijn van sesse jae(re)n lang v(er)volgen(de) elcx jairs/
d(air)enbynne(n) om en(de) voe(r) de helicht van alle(n) de vruchte(n) die jair/
lijcx opde voirs(creven) goede wassen sulle(n) Met vorweerd(en) dat de/
voirs(creven) wynne de voirs(creven) lande(n) sijne(n) t(er)mijn due(re)nde wel en(de)/
loflijc wynne(n) werve(n) en(de) mesten sal gelijc reengenoten bove(n)/
en(de) bened(en) en(de) dat hij alle drie jae(re)n de voirs(creven) lande ov(er)meste(n)/
moet wel en(de) loflijc ende bynne(n) den lesten drie jae(re)n en/
sal hij die niet moege(n) hoervruchte(n) mair sal die sculdich/
sijn te laten tsijne(n) afsceyden gelijc hijse aenveert heeft Te/
weten(e) iii(½) boende(re)n lants met rogge besayt ende half/
theyntbloc mette(n) boegaerde en(de) xviii dach(mael) storten geackert/
It(em) es oic vorweerde dat sij van malcande(re)n sulle(n) moege(n)/
sceyde(n) ten halve(n) tijde behalve(n) dat de ghene die sceiden/
sal wille(n) dat den ande(re) sculdich sal sijn te cundigen/
een half jae(r) te vore(n) It(em) de voirs(creven) wynne sal alle jae(re) sijne(n)/
t(er)mijn due(re)nde de vruchten vande(n) voirs(creven) goede(n) ten behoirlijcke(n)/
tijde afdoen op sijne(n) cost ende inden banc leve(re)n ende opde(n)/
velde deylen Ende alsdan sal de wynne sculdich sij(n) dair toe/
in tijts te roepen(e) en(de) dat te laten wete(n) den voirs(creven) meeste(re)n/
ten tijde wesen(de) die dan eene(n) knape oft bode dair sijnde(n)/
selen die hue(r) gedeelte bewae(re)n sal Welc deel de wynne/
/ tsijne(n) coste ind(en) capelane(n) schuere vue(re)n sal ende de wynne/
sal den selve(n) cnape oft bode den montcost geve(n) tot dat/
alle inder schue(re)n gevuert sal sijn It(em) de wynne sal sculdich/
sijn altijt voe(r) inne te vue(re)n tgedeelte der voirs(creven) he(re)n Item/
soe wa(n)ner den voirs(creven) hee(re)n gelieve(n) sal huer helicht te doen/
dersschen dan sal de wynne den dersschen oick den mont/
cost geve(n) en(de) tgraen op sijne(n) cost te loeven(e) leve(re)n en(de)/
des sal hij hebben van elken mudde graens een half mole/
vat It(em) es vorweerde dat de voirs(creven) capelane(n) hebben sulle(n)/
de heilcht van alle(n) den appele(n) pee(re)n en(de) ande(re)n fruyte vassen(de)/
in beide den bog(aer)den welc helicht en(de) oic de capuyne(n) die/
dair van chijse gelvert sulle(n) wordde(n) de selve wynne op/
sijne(n) cost oick te loeve(n) leve(re)n sal It(em) es oic vorweerde dat/
de voirs(creven) wynne jairlijx geve(n) sal den voirs(creven) capellane(n)/
voe(r) de huysinge(n) mett(er) heyde(n) voe(r) thoff gelege(n) die gheen bosch/
en is en(de) de selve wynne tsijne(n) gebruycke hebben sal sond(er)/
de savoe(re)n en(de) grechte(n) xii l(i)b(ra) was ende xii sesse l(i)b(ra) ghinge/
beers oft vier r(insch) guld(en) dair voe(r) te xx stuv(er)s tstuck drie/
pl(a)c(ken) voe(r) den st(uver) It(em) de wynne sal alle jae(re) leve(re)n om te/
verdecken opde voirs(creven) huysen daers meest van noode sij(n)/
sal voe(r) half meert vi[c] walms ende oick de wanden/
vande(n) huysen loflijc houde(n) vander ond(er)ster rijckele(n) tott(er) plate(n)/
toe mair de meest(er)s sulle(n) van al de dachue(re)n betalen en(de)/
de wynne sal de wercliede(n) den montcost geve(n) It(em) allet/
dmest dat inden leste(n) wynte(r) gemaect sal wordd(en) ende/
allet stroo dat int leste jair opde voirs(creven) lande gewassen/
sal sij(n) sal int voirs(creven) hoff blive(n) ten afsceyden(e) vande(n) wynne/
It(em) de wynne sal de vorste came(r) vande(n) voirs(creven) hove stoffe(re)n/
met twee bedden om die meest(er)s vande(n) capellane(n) met/
hue(re)n rintmeeste(re) dair inne te loge(re)n als sij dair come(n) sond(er)/
cost van hen te hebben(e) van viere eten en(de) drincken mair/
om dat te halen oft te doen halen bynne(n) sdorps oft taerscot/
/ sal de wynne den meest(er)s voirs(creven) eene(n) bode v(er)leene(n) Item/
sal de voirs(creven) wynne noch jairlijx hebben den voirs(creven) t(er)mijn/
due(re)nde den molenbeempt houden(de) omtrint een half boend(er)/
It(em) den savelbeempt houden(de) omtrint vijf dach(mael) Item den/
p(er)tsbeempt houden(de) omtrint drie dach(mael) Item den beempt/
gelegen over de nuwe motte houden(de) omtrint (½) boende(r) It(em)/
noch ande(re) weye gelegen omtrint den huyse(n) voirs(creven) om en(de)/
voe(r) xxvii r(insch) guld(en) te xx stuv(er)s tstuck drie pl(a)c(ken) voe(r) den st(uver)/
den voirs(creven) meeste(re)n oft hue(re)n rintmeest(er) jairlijx te betalen te/
kersmisse en(de) te loeven(e) te leve(re)n telken t(er)mijn als v(er)reyct/
schult It(em) de wynne sal de voirs(creven) beemden wel ende/
loflijc bevrien op sijne(n) cost mair hij sal den lueck ende/
staken dair toe behoeven(de) neme(n) opde voirs(creven) goede ter/
minster scaden vande(n) selve(n) goeden It(em) de wynne sal/
hebben de weyde van omtrint xvii oft xviii boende(r)/
boschs Behoudelijc dat hij sijn beesten dair inne niet/
doen en sal den bosch en sal sijn ten minsten vier jae(re)/
out alsoe dat de selve beesten dair inne gheen scade/
en co(n)nen gedoen ende hij sal de selve bosschen tsijne(n)/
coste loflijc bevrede(n) ende thout dair toe behoeven(de)/
neme(n) t(er) minst(er) scaden It(em) de wynne en sal gheen hout/
moegen afhoude(n) sonder consent vande(n) cappellane(n) ten/
wae(re) dorre willege(n) ende des sal hij voe(r) elc dorre willige/
setten twee poete(n) ende die houwe(n) wassende It(em) de wynne/
en sal gheen recht oft sacht hebben int vin oft vive(re) die/
daer inde heyde steet It(em) de wynne sal gehoude(n) sij(n) de vier/
meest(er)s mette(n) rintmeest(er) tsjaers vierweerf te hale(n) en(de) te/
vue(re)n tot int voirs(creven) hoff ende wedere(n) te loeven(e) te leve(re)n/
met sijne(n) besten wagen(en) It(em) de wynne sal elcken vande(n) vier/
meest(er)s den rintmeest(er) en(de) oick den leenhee(re) vande(n) capelane(n)/
tsjaers geve(n) eene(n) keese It(em) voe(r) de xii kiste merghels/
die de voirseten vande(n) voirscr(even) wynne jairlijx hebben/
/ moete(n) hale(n) opde voirs(creven) lande sal de voirs(creven) wynne alle jae(re)/
op sijne(n) cost sculdich sij(n) te varen met sijne(n) wage(n) en(de) met/
drie p(er)de(n) xii werf tot arschot oft xviii werf opde deme(r)/
om ald(air) te halen(e) tgene des de meest(er)s van doene oft and(er)ssins/
behoeve(n) sulle(n) ende oft de wynne in deen jair niet en/
voldade dat sal hij sculdich sijn te voldoene in dander jair/
dair nae volgen(de) It(em) sal de voirs(creven) wynne alle den chijs/
en(de) co(m)me(r) uute(n) voirs(creven) goede(n) gaende jairlijx sijne(n) t(er)mijn due(re)nde/
alsoe in tijts betalen dat den voirs(creven) capelane(n) dair gheen/
schade en(de) geschiede ende tgene dat de wynne alsoe/
betaelt sal hebben dat sal hem gecort wordden aen de/
so(m)me voirs(creven) It(em) de voirs(creven) wynne ende jan de bruyne sijn/
vader sullen sculdich sijn jairlijx den t(er)mijn due(re)nde de/
bosschen den voirs(creven) capelane(n) toebehoiren(de) te bevriene en(de) te/
bewarene gelijc dand(er) goede(n) en(de) die beesten die dair inne/
come(n) te scutten(e) ende dair voe(r) sulle(n) sij hebbe(n) sesse elle(n)/
lakens Ende alle dese vorweerden (et)c(etera) ende dair voe(r) es/
borge des voirs(creven) wynne(n) de voirs(creven) jan sijn vader als/
principael sculde(re) cor(am) hoeve(n) vynck julii xvi
ContributorsInge Moris , Agata Dierick , Dieter Peeters , Jos Jonckheer
Moderated bykristiaan magnus
Last update: 2016-07-19 by Agata Dierick