It(em) jan wielants sone wijle(n) jans woenen(de) te winde int hagela(n)t/ in p(rese)ncia heeft genome(n) en(de) bekint genome(n) te hebbe(n) van henricke/ welkarts als procur(eur) van jouffr(ouwe) cecilien vand(er) rivie(re)n huysvr(ouwe)/ ph(ilip)s baillat thoff der voirs(creven) jouffr(ouwe) mette(n) huysen hoven wynnen(de)/ lande(n) beempde(n) eeusselen en(de) ande(re)n toebehoirte(n) gelege(n) taetrode/ Te houden te hebben en(de) te wynne(n) van halfmerte lestlede(n) eene(n)/ t(er)mijn van sesse jae(re)n lang due(re)nde sonder middel v(er)volgen(de) Elcx/ jairs de voirs(creven) wynnen(de) lande om en(de) voe(r) de helicht van allen/ den vruchten die dair op jairlijcx wassen sulle(n) ende de voirs(creven)/ beempde(n) en(de) eussele(n) om en(de) voe(r) xix hollantsche gulden(en) te xvi/ stuv(er)s tstuck drie pl(a)c(ken) voe(r) den stuv(er) alle jae(re) te sinte m(er)tens/ misse inde(n) winter te betalen(e) den voirs(creven) procur(eur) den t(er)mijn/ due(re)nde quolib(et) ass(ecu)[tu(m)] It(em) sal de voirs(creven) wynne de voirs(creven) lande/ den t(er)mijn due(re)nde wynnen werven en(de) mesten wel ende/ loflijc gelijc reengenoeten bove(n) en(de) benede(n) It(em) sal de voirs(creven)/ wynne alle de voirs(creven) vruchte(n) vande(n) voirs(creven) lande(n) jairlijx/ als die tijt verdich sijn afdoen oft doen doen en(de) bynden/ en(de) de helicht vande(n) selve(n) vruchte(n) der voirs(creven) jouffr(ouwe) toebehoiren(de)/ vue(re)n inder selv(er) jouffr(ouwe) schue(re) all sond(er) cost oft laste der selver/ jouffr(ouwe) It(em) sulle(n) de voirs(creven) jouffr(ouwe) en(de) de wynne dooft dat/ aldair jairlijx wassen sal half en(de) half deylen als dat ter/ eerden gelesen sal wesen en(de) des sal de wynne den lese(r)/ den mont cost geve(n) en(de) m(ijn) jouffr(ouwe) de dachue(re)n betalen/ en(de) de wynne sal sculdich sijn m(ijn) jouffr(ouwe) helicht te vue(re)n/ op sijne(n) cost te loeven(e) te grave(n) oft te linthe(re) dairt m(ijn) jouffr(ouwe)/ best gelieve(n) sal It(em) sal de wynne jairlijx leve(re)n drie hond(er)t/ walme(re)n om opde voirs(creven) huysinge(n) te verdecken(e) en(de) alsmen/ dair dect oft plecket oft anders yet doet make(n) van oude(n)/ wercke dan sal de wynne sculdich sijn den werckliede(n) den/ montcost te geve(n) en(de) m(ijn) jouffr(ouwe) de dachue(re)n te betalen It(em)/ de wynne sal sculdich sijn sijne(n) t(er)mijn due(re)nde de goede voirs(creven)/ te houden op sijne(n) cost in goede state en(de) rep(ar)acien vand(er)/ / onderste rijckelen ned(er)weert It(em) sal de voirs(creven) wynne de voirs(creven)/ landen laten tsijne(n) afsceyden(e) gelijc hijse nu aenveert heeft/ Te weten(e) de cleynvarent met wynt(er)coren besayt en(de) noch/ een dachmael geheete(n) motte veldeken oic met wynt(er)coren besayt/ It(em) de grootvarent en(de) dblock aende houboirne eens o(m)me/ gedaen tot somer coren te sayen ende alle dande(r) brake It(em)/ sal de voirs(creven) wynne allet trunchout dat opde voirscr(even)/ goede wassen sal en(de) dat alsoe v(er)re als half thasteel gewoen/ lijck es te gaene en(de) niet voirde(r) sonder alleen aende/ bosschen dair en sal de wynne gheen rechte oft actie inne/ hebben It(em) sal de voirs(creven) wynne bynne(n) den voirs(creven) sesse jae(re)n/ eens moegen afhouwen thout van eene(n) bosschelken gelege(n)/ int vredebroeck It(em) sal de wynne hebben alle twee jae(re)/ eene(n) tabbart oft twee r(ins) guld(en) dair voe(r) It(em) es vorweerde/ als tgraen vand(er) voirs(creven) jouffr(ouwe) gedorssche(n) sal wesen dan/ sal de wynne m(ijn) jouffr(ouwe) dat sculdich sijn te leve(re)n op sijne(n)/ cost te loeven(e) tarschot oft te diest dairt hue(r) gelieve(n) sal/ It(em) sal de voirs(creven) wynne alle jae(re) heffen tot behulpen vande(n)/ saytcoren vijf halste(re)n corens aen willem(me) de lathouwe(re) en(de)/ noch drie halste(re)n corens aen baten ph(ilips)e(n) It(em) m(ijn) jouffr(ouwe) sal/ drie jae(re) lang alle jae(re) coopen drie xxv hoepen en(de) de/ wynne sals vijftich hoepe(n) coopen oic drie jae(re) lang alle jae(re)/ ende dat hale(n) op een mile weghs nae den voirs(creven) hove/ It(em) de wynne sal voe(r) uut hebben alsoe vele lants dat/ hij dair op sayen sal twee halste(re)n lijssaeyts alle jae(re) den/ t(er)mijn due(re)nde ende alle dese vorweerd(en) (et)c(etera) cor(am) oppendorp/ liefkenrode septembris iii[a]