It(em) als vande(n) pe(n)ni(n)gen vanden coope d(er) voirs(creven) goede /hebben bekint beyde p(ar)tien dat de coma(n)scap geschiet/es en(de) toegegaen met r(ins) gul(den) te weten xx st(uvers) en(de)/drie pl(a)c(cen) voir den st(uver) in alrehande goeden gul(den) oft/silve(re)n pe(n)ni(n)gen alsoe die nu t(er) tijt gemeynlijck loop/hebben tot alsulker so(m)men als de voirs(creven) goede in
//
pechtingen uutgegeve(n) en(de) verhuert sijn te jairschae(re)n gedragen(de)/te samen xlii gelijke gul(den) viii st(uver) xvi mudde twee/halst(er) corens voir elken pe(n)ni(n)ck twintich va(n) gelijken/pe(n)ni(n)gen en(de) elck mudde corens voir dertich gelijke/gulden(en) bekennen(de) oic datmen vand(er) selv(er) geheeld(er) so(m)men/d(er) coma(n)scap yerst aftrecken en(de) corte(n) sal alle co(m)me(re)n uut/den goeden gaen(de) van grontchijse en(de) ande(re)n niet te/quijten staen(de) voir elken pe(n)ni(n)ck xx van gelijkend(en) en(de)/voir elck mudde corens xxx r(ins) gul(den) als voe(re) en(de) oick de/co(m)me(re)n dair uut gaen(de) te die te quijten staen in gelde /coren(en) oft lijftocht opt goet besedt d(aer) inne oic mede begrepe(n)/vijff croone(n) en(de) drie r(ins) gul(den) erflijck t(er) quitinge(n) die de/voirs(creven) jan op borchtocht v(er)cocht heeft d(aer) voe(r) p(ar)tien om/bewijssenisse te hebben tot den goede(n) beleyt sijn oft moege(n)/doen leyden voir elken pe(n)ni(n)ck en(de) mudde core(n)s alsoe/vele als men den p(ar)tien vanden p(ri)ncipalen sculd(ich) sal sijn/te betalen(e) bij appointeme(n)te vand(er) stadt op dat men/met hen mynlijck niet en can ov(er)come(n) opdat arnold(us)/wete(n) moege met wat so(m)men hij die vande(n) pe(n)ni(n)gen/d(er) coma(n)scap sal moege(n) quijten en(de) acht(er)volgen(de) desen/en(de) den inhoude(n) vand(er) cedullen d(er) coma(n)scap die de/voirs(creven) arnold(us) den voirs(creven) ja(n)ne heeft ov(er) gegeve(n) selen/beyde p(ar)tien bijde ghene die ov(er) de coma(n)scap geweest/sijn ende ande(re)n die arnoldo oft ja(n)ne gelieve(n) sal/dair bij te nemen en(de) hen rekeni(n)gen moegen v(er)staen/rekeni(n)ge doen en(de) ov(er)slaen hoe vele dat ja(n)ne de/voirs(creven) lasten ende ande(re) die men opt goet soude moege(n)/halen gecort come(n) sal en(de) des men also bevi(n)t janne/comen(de) sal arnold(us) hem betalen op dat jan d(aer) mede sijn p(ro)fijt/sal moege(n) doen en(de) oft tussche(n) hen e(n)nige(n) twivel oft/donckerheijt ind(er) rekeni(n)ge(n) viele selen beyde p(ar)tien met dien/vriende(n) als va(n) dien op en(de) aff gaen sond(er) argelist cor(am) eisd(em)