Item jan hubrechts cleermake(re) als geleydt totten goeden have ende/ erve gheerts wijlen vanden ghoire ende jan lyemincx als momboir/ van barbe(re)n vanden ghoire docht(er) des voirs(creven) wijlen gheerts vanden/ voirbedde ende een vanden naestenleven(de) desselfs wijlen gheerts/ voir hem ende de ande(r) zijn mede erfgenamen hebben geconsenteert/ willem(me) vander dijlen ende roelove scats cleermakers die als/ busmeesters vanden zelven ambachte yerst ende voe(r) den voirs(creven)
//
janne hubrechts geleydt zijn totten zelven goeden dat zij metten/ zelven hue(re)n voirbeleyde vanden haeffeliken oft beruerliken goeden/ nae ende vanden voirs(creven) wijlen gheerde gebleven soe vele vercoepen/ ende ten hoochsten bringhen alse de schult vanden voirs(creven) armen vande(n)/ bussen gedraeght met coste ende co(m)me(re) ende die dairaf trecken ende/ afnemen tott(er) selv(er) armen behoef ende tsurplus dair ov(er)ende heeft/ geconsenteert de voirs(creven) jan lyemincx als momboir voirs(creven) voir hem en(de) zijne mede erfgenamen als voe(r) dat dat bijden voirs(creven) janne hubrechts/ vercocht wordde ende ten hoochsten gebracht zoe verre dat hij dair/ aen zal hebben innegehaven ende getogen zijn wettige scult van/ zijnen scepen(en) brieven ende oft dat surplus niet toe en quame dat/ aende erve dair zijn beleyt op sleet ende macht heeft te moegen/ verhalen zoe verre als recht en(de) dit al gelijc oft de voirs(creven) twee geleydde/ dair toe met vo(n)nisse van scepen(en) van loven(en) d(air)men alsnu niet toe en/ can geraken mits den tijde van orloghe behoirlijck wae(re)n gewesen/ cor(am) grave burg(imagistr)[o] decembr(is) ultima
//