Nae dien dat op heden comen zijn bijden raide vand(er) stadt/ willem van ophem geheeten meest(er) jans en(de) henr(ic) scoelairt/ als scepen(e) ende geco(m)mitteerde des dorps van wynge ende oic/ op voirleden(e) dagen van rechte ter eend(er) ende de geco(m)mitteerde/ m(ijn) vrouwen van ghempe ter ande(r) aengaen(de) der tegewoirdig(er)/ scattingen en(de) lasten die tvoirs(creven) dorp geven ende betalen moet/ voir huer part ende porcie vanden hond(er)t ruyte(re)n die tot arschot/ onderhouden worden d(air) inne m(ijn) vrouwe voirs(creven) uut saken van/ hue(re)n bewinde van beesten ende and(er)ssins ende verloefden goeden/ den selve(n) dorpe niet te bate(n) come(n) en wordde te voirde(re) wa(n)t zij/ vanden ov(er)sten state(n) van desen lande was ende met hen zoe/ wanneer zij contribueerd(en) ende gelast worden mede gelde(n) moeste/ hoepen(de) alsoe tegen tvoirnemen vanden voirs(creven) dorpe in desen/ ongehouden te bliven es geappointeert en(de) bijden raide op heden/ uuytgesproken bij manie(re)n van provisien aengaen(de) den tegewoirdige(n)/ groote(n) lasten en(de) zonder p(re)judijs van eensyegelijcx rechte dat m(ijn)/ vrouwe van hue(re)n bewinde ende verloefden goeden voirs(creven) den dorpe/ nae advenant van dien te baten comen sal ende vande(n) ande(re)n/ goeden staten mette(n) state vanden p(re)laten ende sgheens des zij in/ desen verlegge(n) sall dat zij dat hier naemaels sal moege(n) bringe(n)
//
t(er) rekeni(n)gen mette(n) gemeyne(n) staten van desen quartie(re) om/ alsdan dairaf gedaen te worden alsoe den raet in dien gedrage(n)/ zall ten ynde van desen tegewoirdigen tijde in consilio opidi/ februarii xvii
//