It(em) heylwijch cornelijs van utricht heeft gehuert ende bekint gehuert/ te hebben(e) tegen lijsbetten van sintruyden de stove geheeten de/ nyeuwe stove gelegen opde brugge bij sinte g(er)truyden met alle(n)/ hue(re)n toebehoirten en(de) allen beruerlijcken goeden d(air)inne wesende/ gelijck die h(ier) onder gespecificeert sullen staen metter taxacien/ d(er) selver gedaen bijde gezwore(n) schatters van loven(e) Te houd(en)/ te hebbe(n) ende te gebruycken van liechtmesse lestleden eenen/ t(er)mijn van zesse jairen te weten(e) alle weken d(air)aff om en(de) voe(r)/ twee pet(er)s tstuck te xviii stuv(er)s iii pl(a)c(ken) voe(r) den stuver Es/ condicie ende vorweerde dat de voirscr(even) p(ar)tien tallen tijden va(n)/ malcand(re)n sullen moege(n) scheyden zoe wa(n)neer het hen gelieve(n) sal/ behalven dat de ghene die alsoe scheyden sal wille(n) dat zij/ dat den ande(re)n een half jair te voe(re)n sal moete(n) condighen/ Item es vorweerde dat de voirscr(even) lijsbeth de voirscr(even) stove/ sal houden van wande ende van dake in goeden state ende/ de voirscr(even) heylwijch sal schuldich zijn te houden(e) de stove bynne(n)/ alsoet behoirt en(de) die laten thue(re)n afscheyden(e) inder weerden gelijck/ zij die aenveert heeft ende oft zij alsdan de goede d(air)inne/ wesende beter laten sal dan die h(ier)nae getaxeert zij(n) dat/ sal lijsbeth huer oplegge(n) bevi(n)t men oick alsdan de selve/ goede arge(r) wesende dat sal heylwijch lijsbetten moete(n) oprichte(n)/ en(de) al ter taxacien vander gezworen(e) schatters va(n) loven(e) ende oft/ de voirscr(even) heylwijch e(n)nige ande(re) beruerlijcke goede inder/ selver stoven dede setten oft bringen dat zij die noch oick de/ ghene die zij d(air)inne bevonden heeft niet en sal moeghen/ uuyter selver stoven doen drage(n) oft laten dragen oft oick vue(re)n/ zonder consent der voirscr(even) lijsbetten cor(am) liefk(enrode) vos febr(uarii) pe(nulti)[ma]