It(em) her willem vander eycken prieste(r) ende cappellaen van sinte/ pet(er)s te loven(en) renu(n)cians heeft geloeft ende mits desen geloeft/ he(re)n lambrechte bodart voirs(creven) los ende vry te houden van/ alsulker hueri(n)ge vand(en) huyse voirs(creven) als he(re)n janne van houthem/ pastoir der kercken van ev(er)nas le banduyn hier voirmaels/ julii xvi anno lxxxi gedaen ende gemaect heeft voir scepen(en)/ van loven(en) vanden voirs(creven) huyse tegen den kercmeesters van/ sinte kath(er)inen cappelle voirs(creven) alsoe dat de selve h(er) lambrecht/ van wegen des voirs(creven) he(re)n jans van houthem gheen hynder/ letsel noch co(m)meringen comen en sal ind(en) hueri(n)gen voirscr(even)/ mair dat de selve h(er) lambrecht zijn leefdaghe lanck tvoirs(creven)/ huys ind(er) manie(re)n voirs(creven) [in hueri(n)g(en)] hebben ende behouden zall ende/ inden gevalle de voirs(creven) h(er) jan van houthe(m) opten dach van/ heden aflivich wae(re) soe zal de voirs(creven) h(er) willem vander/ eycken sculdich zijn te restitue(re)n den voirs(creven) kercmeesters/ inden name der voirs(creven) kercken alsulken so(m)me van pe(n)ningen/ gedragen(de) xxiiii rinsgulden(en) eens als de voirs(creven) h(er) willem/ vand(er) eycken vanden voirs(creven) he(re)n lambrechte alsnu gehaven/ ende ontfangen heeft cor(am) eisdem
//