It(em) katlijne (vacat) weduwe jans wijlen trudens va(n) dunb(er)ghe/ ende m(ar)griete huer dochter in behoirliken manie(re)n uuyt hue(re)n broode/ gedaen hebben bekint ongesundert en(de) elc voir al dat zij sculdich/ zijn van wettig(er) schult arnoldo kyp uut saken van verloepe/ ende resten van ombetaeld(er) schult dair inne de voirs(creven) wijlen/ jan ende sij te hemweert gehouden zijn van hueri(n)gen vanden/ hove ende zeke(re)n goede(n) die de voirs(creven) jan vanden voirs(creven) arnold(en)/ gehouden heeft met t(er)mijne(n) van jae(re)n nu ov(er)leden zijnde/ te dunberge ende dair omtrint gelegen de so(m)me van drie/ ende negentich rinsgul(den) tstuck te xx stuv(er)s en(de) xii(½) pl(acken)/ welke so(m)me sij ende elc van hen den voirs(creven) arnold(en) geloeft/ hebben ende geloven te betalen tot sijnre manissen als/ verwonnen schout Geloven(de) voirt de voirs(creven) wed(uwe) en(de) kinde(re)/ want de voirs(creven) jan de huysinge vanden hove te zijne(n) last/ / sculdich was te houden in goeden state van wande ende/ van dake ende oic de lande ende goede bezaeyt te laten tzijne(n)/ afscheyden nae inhoudt der pechtingen d(air)af hier voirmaels voir/ scepen(en) van loven(e) gesciet eve(n) verre zij metten voirs(creven) arnold(en)/ van nuwer vorweerden niet en connen ov(er)comen dat zij/ dan tvoirs(creven) hoff ende goede sulle(n) laten in state en(de) besaeyt/ alsoe de selve voir vorweerde(n) begrijpen zonder argelist/ cor(am) oppendorp vos aprilis secunda