Allen den genen die dese l(ette)ren zulle(n) zien oft hoiren lesen [doen te wete(n) etc(etera)]/ dat de eerweerdige hee(re) ende meest(er) meest(er) anthoenis hanneron/ proeft van sint donaes te brugghe ingeseten(e) van des(er) stadt/ ende sijn residencie houden(de) onder der eerwerdig(er) univ(er)siteyt binnen/ der zelver des(er) stadt reside(re)nde ons aensocht ende begeert heeft/ bij hem te willen comen binnen zijnen woenhuyse gelegen inde/ cattenstrate ons aldair te kynnen geven(de) zijn disposicie ende/ o(n)machtiched(en) van leden mits ouderdo(m)me ende anderssins gesont/ nochtan van herten ende in zijnd(er) memorien ende goede(n) versta(n)nesse/ wel wesende als dat hem niet moegelijc en wae(re) als wij oic/ des metter wairheyt nae gelegenth(eyt) zijns persoens en(de) disposicie/ in dien wel te bynnen zijn ende wael weten zond(er) perikel van/ zijnen persoene te moegen reysen tot e(n)negen plaetssen dair/ hij te doene zoude moegen hebben bezundert oick want nae/ gelegenth(eyt) des tijts vand(en) orlogen in desen lande wesende niet/ moegelijc en wae(re) al wairt dat hij zijnd(er) leden mechtich/ ende gesont wae(r) te moegen reysen ind(er) manieren voirs(creven)/ zonder perikel van live ende goede Bege(re)nde alsoe ter/ p(rese)ncien van ons te constitue(re)n ende mechtich te makene/ zeke(re)n procur(eur)s oft procur(eur) irrevocables om inden name van/ hem ende van zijnen wegen opte dragen ende te v(er)thiden/ exhe(re)deren ende inherede(re)n voir scepen(en) van bruessel ende/ oic van huckele ende allen ande(re)n plecken ende plaetssen/ dair des van noode ende behoeffelijck zoude moege(n) zijn/ die oic mits der orlogen ende tijde voirs(creven) zond(er) perikel/ alhier niet en souden moege(n) oft co(n)nen gecomen alsulken/ xxiiii rinsgul(den) erffelijck als de zelve jairlijcx heffende es/ aen ende op zeke(re) pande ende erfgoede hier nae volgen(de) Te weten(e)/ aen ende op vijff ende een half dachwande lants luttel min/ oft meer gelegen inde prochie van sinte goedelen ten bossche/ bijden cloeste(r) vander came(re)n acht(er) den boegairt jan jacopssoen/ geheeten van ghiessen tusschen de goede alissien vander ca(m)men / in deen zijde ende de goede des cloosters der witte jouffrouwen/ in bruessel in dande(r) Item aen ende op onderhalf dachwande
//
lants lutt(el) min oft meer gelegen aldair bij tusschen de goede/ der voirs(creven) alissien vander ca(m)men in deen zijde ende de goede des/ voirs(creven) jan jacopssoen in dande(r) voer eygen Item aen ende op/ seven dachwande ende sessentachtentich roeden lants dair/ nu een huys op gety(m)mert es metten wijngarde ende boemen/ dairop staende gelijc dese goede gelegen zijn ten bossche neven/ tvoirs(creven) cloeste(r) vander came(re)n de welke henrick vand(er) beken/ te houden plach tusschen tstreetken aldair gaende in deen/ zijde ende die goede naebescreven die wijle(n) thomaes heenskenshoet/ te houden plach vand(en) voirs(creven) cloeste(r) vand(er) came(re)n in dande(r)/ Item aen ende op onderhalf dachwande lants luttel min oft meer/ die wijlen thomaes heenkenshoet voirs(creven) te houden plach gelege(n)/ bijden goeden lestvoirs(creven) Item sesse dachwande min veerthien/ roeden lants lutt(er) min oft meer gelegen ten elterken(en) bijden/ bossche voirs(creven) tusschen de goede der wittejouffrouwe(n) in bruessel/ in deen zijde ende de goede der kinde(re)n wijlen jan gheerts/ ende de goede wijlen gheerts de wijngaerde(re) in dande(r) toebehoiren(de)/ de selve pande he(re)n ph(i)l(ips)e vand(er) eycken ridde(r) hee(re) va(n) gra(m)bays/ ende tot loppoingne nae inhoudt der scepen(en) brieven der voirs(creven)/ stadt van bruessel ende van uccle te weten(e) de selve brieve/ van bruessel vand(er) daet xiiii[c] ende tachtentich des xiii daighs/ der maent van merte ende de voirs(creven) brieve van uccle vand(er)/ daet xiii[c] ende tachtentich des xi daighs van m(er)te jairlijcx/ vallen(de) ende verschinen(de) opten xi dach van merte ende te/ inhe(re)deren ende behoirlijc te vestigen nae costume ende usancen/ vanden plecken ende gerichten voirs(creven) de faculteyt van arten/ in des(er) stadt van loven(e) reside(re)nde inden name ende tot/ behoef der collegien bijden voirs(creven) hee(r) ende meeste(r) anth(oenis)/ gefundeert geerigeert opgestelt ende geordineert in zijnen/ huyse voirs(creven) inde voirs(creven) cattestrate gelegen ende in desen/ te doene alles gheens des hij zelve in persoene soude moege(n)/ doen bij alsoe hij present ende tegewoirdich wae(re) welke/ voirs(creven) rinte als de zelve hee(r) ende meest(er) anthoenis voir ons/ cleerde zijn begeerte ende wille was die te willen laten/ in puren aelmoesen der voirs(creven) collegien bij he(m) als voe(r) gefundeert
//
soe eest dat de selve hee(r) ende meest(er) anthoenis in ons(er)/ tegewoirdich(eyt) aldus zijnde als voe(r) irr(e)vocabilit(er) geconstitueert/ gesedt volcomen macht procuracie ende auctoriteyt gegeven heeft/ ende mits desen gheeft he(re)n joese de curtraco [coudenberghe] / prieste(r) [joha(n)ne(n) du mares jan de proft p(rieste)[r] michiel de rent(er)s en(de) elke(n) va(n) hen bezundert] als zijnen/ procureurs speciael(es) ende irrevocables in desen om opte dragen/ inden name van hem ende van zijnen wegen de voirs(creven) rinte/ tot behoef als boven ende anders niet ende d(air)af te v(er)thijden/ ende doen ende laten goeden de voirs(creven) faculteyt als tot behoef/ als voe(r) alsoe dat der zelv(er) zijnder collegien tot eeuwigen/ dagen vast ende genoech zal moegen wesen zonder e(n)nich/ recht actie oft deel voir hem oft zijnen nacomeli(n)gen dair aen/ te hebbene te houdene oft te moegen allige(re)n in ald(er) bester/ ende behoirlijcxster manie(re)n dit soude moegen gescien oft hij selve/ tegewoirdich ende voir oegen wae(r) ende mits desen voir ons/ van allen den selven zijnen rechte tot behoef als boven/ volcomelijc heeft vertegen ende gerenu(n)cieert Geloven(de)/ de voirs(creven) hee(re) ende meest(er) anth(oenis) renu(n)cie(re)nde tot desen den/ p(ri)vilegien der eerwerdig(er) univ(er)siteyt van loven(e) voirs(creven) ende/ allen ande(re)n voir hem ende zijne(n) nacomeli(n)gen opte/ verbintenisse van allen zijnen goeden beruerlijck ende/ omberuerlijck hoedanich die zijn wair die gelege(n) zijn oft/ bevonden zullen moegen wordden irrevocabilit(er) vast/ gestentich ende van werden te houden ende te hebben / alle tgene dat bijden voirs(creven) zijne(n) procureur altijt tot/ behoef ende inder manieren voirs(creven) gedaen zal moegen/ wordde(n) ende dair tegen bij hem selven noch nyema(n)de/ anders yet ter contrarien te attempte(re)n in egheend(er) manie(re)n [wijs]/ mair tot eeuwigen dagen de voirs(creven) exheredacie ende/ inhe(re)dacie der voirs(creven) rinten van weerden te houden alsoe/ dat der voirs(creven) collegien genoech zal moegen wesen/ renu(n)cie(re)nde oick ende verthiende alle exceptien liberteyte(n)/ ende vrijheyde(n) het zij van rechte oft anderssins die ter/ invalidacien van desen bij hem oft zijnen nacomelingen/ genomen oft gealligeert souden moegen wordden in e(n)nig(er)/ manie(re)n in kynnessen etc(etera) cor(am) naus(nydere) sub(stitu)[to] burg(i)m(a)g(ist)ri vos/ vynck scabinis maii xxiii