It(em) sebastiaen vand(er) roost en(de) machtelt scrijters sijn wijff/docht(er) wijlen jans de crijte(re) in p(rese)ntia hebben gelaudeert/geratificeert en(de) geapprobeert de guedinge en(de) vestich(eijt) tande(re)n/tijden gedaen opte(n) ii[ten] dach april(is) a(n)no lxxvi bij g(er)trude(n)/lambrechts moed(er) d(er) selv(er) machtelde(n) jacoppen woute(re)n/lijsbette(n) en(de) g(er)truden scrijters brueders en(de) susters d(er) voirs(creven)/machtelden henricke vanden putte en(de) lijsbette(n) vander/varent sijnd(er) huysvr(ouwe) vand(er) helicht van vier rijders/d(er) mu(n)ten hertogen ph(ilip)s goet en(de) ghinge erfliker rinte(n)/die sij jairlijcx heffen(de) wae(re)n aen en(de) op thuys geh(eten)/de warande met allen sijne(n) toebehoirte(n) gelegen inde/borchstrate tusschen den goede willem hubrechts t(er) eende(re)/en(de) derfgename(n) jans wijlen de coste(re) t(er) and(er) sijden toebehoiren(de)/d(er) weduwen en(de) kinde(re)n des voirs(creven) henricx vanden/putte Geloven(de) hier aff guedinge en(de) vestich(eijt) te doen(e)/t(er) manissen d(er) voirs(creven) lijsbette(n) vand(er) vare(n)t en(de) huer(er) kinde(re)n/erfgename(n) vand(er) waranden wesen(de) en(de) hier inne te/v(er)vange(n) joseph scrijters soe v(er)re hij livich en(de) leven(de) is buyte(n)/lants wesen(de) dat zoe wanneer hij totte(n) lande gecome(n)/sal sijn dat hij oic t(er) manissen d(air)aff gued(inge) en(de) vestich(eijt)/doen sal also v(er)re het hem aengaet voirts hebben gelooft/de voirscr(even) sebastiaen en(de) sijn wijff der voirs(creven) lijsbetten/janne liebrechts hue(re)n man en(de) hue(re)n erfgename(n) inne/te stane en(de) gerecht wara(n)t te sijne tot eeuwige(n) dage(n)/in gevalle oft den selve(n) p(er)sone(n) hier naemails e(n)nich/gebreck moeytenisse oft molestacie gedaen wordde oft/toeq(ua)me uut saken vande(n) voirs(creven) twee rijders erflijck bij/wien dat dat gescieden gedaen oft toecome(n) mochtedat zij dat tot hue(re)n laste geheelijck en(de) all afdoen
//
ende dragen sullen en(de) de selve p(er)sone(n) en(de) hue(re) goede d(air)aff/allessins lossen en(de) quijthouden cor(am) liefkenrode kersmakere/julii viii