Want jacop le bucq als geleyt nae des(er) stadt recht voir/ sijn wettich gebreck uut crachte va(n) scepen(en) brieve(n)/ va(n) loven(e) tot allen den goede(n) have en(de) erve jans de/ myenche soe wair die gelege(n) zijn hem met brieve(n) van/ des(er) stadt gescr(even) aende(n) meye(re) va(n) linshain oft sijnen stad/ houde(re) alle de selve goede behoirlijck heeft doen leve(re)n/ oft pete(re)n comelinck d(er) stadt bode in sijne(n) name en(de) den selve(n)/ ja(n)ne de myenche ende ande(re)n hande aende voirs(creven) goede/ hebben(de) dach va(n) rechte doen besceyden te compare(re)n inde/ banck voir meye(re) en(de) scepen(en) van loven(e) oft sij hen tegen de/ voirs(creven) leveringe hadden willen oppone(re)n aldair sij niet en/(com)par(eer)den noch (pro)cur(eur) van hue(re)n wegen den voirs(creven) geleydde(n)/ compare(re)nde en(de) trecht voirt versueken(de) Soe hebben scepen(en)/ van loven(e) t(er) manissen smeyers nae dat hen bij raporte/ en(de) cleernissen des voirs(creven) boden behoirlijck hadde gebleken/ de voirs(creven) executie geschiet te sijne gewesen voir een/ vo(n)nisse soe v(er)re de wed(er)p(ar)tie vanden geleydden/ niet en compar(eer)t ten opstane va(n) meye(re) ende scepen(en) dat/ men den selve(n) geleydden vande(n) voirs(creven) goede(n) houde(n) soude/ inde macht va(n) sijne(n) scep(enen) br(ieven) beleyde en(de) leveringe(n) voirs(creven)/ alsoe v(er)re alst noch voir scepen(en) come(n) es in sca(m)pno julii xxiiii