It(em) de voirscr(even) meest(er) joes renu(n)cie(re)nde als voe(r) heeft/ gelooft op eene(n) banduyn van twintich croone(n) half/ tot ons gened(ichs) he(re)n behoef (et)c(etera) dat hij d(er) voirs(creven) marien/ sijnd(er) sust(er) en(de) ja(n)ne lenart vorste(r) tot huer(er) manissen/ behoirlijke guedinge en(de) vestich(eyt) doen sal voir hoff/ en(de) hee(re) dair men die aff houden(de) es vand(er) tocht va(n)/ hue(re)n derdendeele van allen alsulken erfgoeden ende/ rinte(n) hier nae bescr(even) alse nae huer(er) oud(er)s doot/ gebleve(n) sijn te deurne te bevekem te laetwijck en(de) d(air)/ omtri(n)t te weten(e) vanden derdendeele va(n) drie mudden/ t(er)wen erflijck aende vrouwe moreels tderdel va(n) twee/ mudden t(er)wen erflijck aenden bastart van glymes tderdel/ va(n) eene(n) mudde t(er)wen erflic aen janne yngelbarts/ tderdel va(n) sesse halste(re)n tarwen aen janne stakenborch/ ende oic vanden derdendeele va(n) twee mudden tarwen/ te laetwijck et t(antu)m Behalve(n) meeste(re)n joese sijn quijte(n) van/ alle des(er) tocht met vijftich rinssche gul(den) eens te lx pl(a)c(ken)/ tstuck altijt alst hem gelieft d(air) voe(r) te geve(n) cor(am) eisd(em)