It(em) m(ar)celis vand(er) molen sone arnts in p(rese)ntia heeft gekindt/ ende geleden hoe dat hem de voirs(creven) arnt vander molen sijn/ vader volcomelijc vernueght heeft ende wel betaelt alsulke(n)/ gereede(n) so(m)men van pe(n)ningen als de selve sijn vad(er) hem/ toegeseecht heeft in zijnder huweliker vorwerden met/ condicien vanden hoge(n)huse zijnd(er) tegewoirdig(er) werdynnen/ inder maten de selve huwelike vorweerde vand(er) voirs(creven) gereed(er)/ so(m)men mensie mach make(n) ende die inhouden(de) es scelden(de) d(air)af/ mits desen den selven zijne(n) vader volcomelijc quijte geloven(de) oic/ dairaf den selven nu(m)mermeer aen te spreken(e) noch te moeyen(e)/ uut saken van dien voir egheene(n) rechte geestelijck noch weerlijck/ in egheend(er) manie(re)n mair dairaf den selven sijnen vader garant/ te zijne alsoe dat hem genoech zall moegen wesen heeft voirts/ bekint mits desen den selve(n) zijnen vader zijn tocht heffen bue(re)n/ ende gebruycke(n) van allen ende yegewelke(n) alsulke(n) erfgoeden/ rinten chijsen ende pachten als de selve sijn vader nu t(er) tijt besittende es gecomen vander zijden van marien wilen van
//
bolle wettige werdi(n)ne des voirs(creven) arnts ende moeder des voirs(creven) m(ar)celis ende van hue(re)n ouders te wetene arnde van bolloe vader der voirs(creven) marien/ niet tegestaen(de) e(n)nige(n) reden(en) oft rechte dwelc de voirs(creven) m(ar)celis totten selven/ goeden soude moegen allige(re)n het zij van lantrechte oft anderssins alsoe/ dat den selven arnde zijnen vader voe(r) sijn tocht ende leefdage lanck/ genoech zall moegen wesen ende zonder hem dair van e(n)nige calaengie/ te maken(e) oft rekeni(n)ge oft restoir te leveren bij hem selven oft/ yemande anders in egheenen rechte geestelijck oft weerlijck ende/ hem dairaff als voe(r) in dien garant te zijne sijne(n) duerdach lanck/ ende ofts behoefde den zelve(n) zijnen vader zekerheyt dairaf te doene/ voir hoff ende hee(re) dair die gelegen sijn oft elswair dair dat behoeve(n)/ soude moegen cor(am) vos vynck februarii xix
//