Tractaet vander zoenen des dootslaechs gedaen en(de) geperpetreert/ bij jacoppe sloets henr(icx) zone inden persoen henr(ix) de witte zone/ wijlen lod(ewijx) de witte van tieldonck es gemaect ende toegegaen/ opde condicien ende vorweerden nae bescreven Inden yersten dat de/ voirs(creven) jacop sculdich sal zijn te doen doene tgebet van iii(½)[c] cloeste(re)n/ ende twee dertichste voe(r) de salich(eyt) vander zielen des voirs(creven) henr(ix) de/ witte Item voirts zal de voirs(creven) jacop sculdich zijn te dragen(e)/ ende te betalen(e) allet kercke(n) recht vand(er) uuytvaert ende des dien/ aengaet van liechte ende anderssins Item voirts zal de voirs(creven) jacop/ gehouden zijn geheelic ende alte male af te doene ende te betalen(e)/ den meester Voirts zal de selve jacop t(er) salich(eyt) vand(er) zielen/ doen eene(n) wech te melanen te porren(e) binne(n) xl dagen nu/ naistcomen(de) naed(er) stadt recht oft d(air)af te hebbene den goeden/ moet vand(er) wed(er)partien Item sal voirts geloven de voirs(creven)/ jacop te betalen(e) janne de witte wettich zone des voirs(creven)/ henricx wilen de witte de so(m)me van veertich lichte gulden(en)/ tstuck te thien stuv(er)s iii pl(a)c(ken) brabants voe(r) den stuv(er) te/ betalen(e) tusschen dit ende beloken(en) paesschen nu/ naistcomen(de) tamq(uam) ass(ecutu)[m] Ende vand(er) geluften vand(er) zoene(n)/ voirg(enoemt) soe zijn borgen indivisim des voirs(creven) jacops lodewijck/ baets pelsmake(r) henr(ic) van balen en(de) jan vondelmans/ ende jacop heeft hen geloeft d(air)af costeloes ende scadeloes/ tontheffene ende opde geluften condicien ende vorweerde(n) voirs(creven)/ soe zal jan de witte sone wilen henricx voirs(creven) met co(n)sente/ wille ov(er)geven(e) ende bijstaene jans de witte willems zone/ van tieldonck zijn naemaech van svaders wege(n) en(de) jans/ van meerbeke oem desselfs jans vander moed(er) wegen de/ voirs(creven) zoene ontfangen ende den voetval laten geschien/ welke vriende affirme(re)n zulle(n) dat dit gebuert ten profijte/ ende salich(eyt) der ziele(n) des voirs(creven) wile(n) henricx ende oic jans/ de witte zijns zoens cor(am) lyefkenrode vos aprilis x

Jan de witte va(n) tieldo(n)ck/ en(de) jan va(n) m(er)beke oick/ va(n) tieldonck als neeste/ mage he(n)nek(en) de witte/ he(n)r(ic) zij(n) t(er) p(rese)ncien va(n) he(m)/ hebbe(n) gekint voldae(n) te/ zijne vand(en) wed(er)p(ar)tien/ va(n)d(en) wege va(n) melane(n)/ en(de) vand(en) xl lichteful(den)/ ap(ri)lis xxiii lxxxix