SAL7382, Akte: V°135.3 (249 van 482)
Akte V°135.3
Act
Transcriptie
2012-09-04 door Dirk De WeverIt(em) de voirs(creven) gebrued(er)s hebben geloeft ind(ivisim) den voirs(creven) he(re)n janne/
joveneal los ende quite te houden(e) van alsulke(n) mudde corens erflic/
als de selve h(er)jan sculdich es marien le mareschal huer(er) beyder zust(er)/
op zeke(re) goeden te weten(e) bosschen beempden ende landen den/
selven he(re)n janne toebehoiren(de) onder bye voirs(creven) gelege(n) staen(de) t(er)/
quiti(n)gen tvoirs(creven) mudde te twintich pet(er)s ende hebben insgelijcx/
geloeft de voirs(creven) gebrued(er)s marien huer(er) zust(er) voirs(creven) in dien te hebbe(n)/
dat zij ter manissen des voirs(creven) he(re)n jans vanden voirs(creven) mudde/
corens erflic goede vestich(eyt) den selve(n) doen zall voir hof en(de) hee(re)/
dair onder de voirs(creven) goede gelege(n) zijn ende behoirlike quitan(cie) ende/
zekerh(eyt) den selve(n) mudde aengaen(de) doen alsoe dat he(m) en(de) zijne(n) goed(en)/
ald(air) ond(er)pant wesen(de) genoech sall wesen ende dairaf ontlast/
zulle(n) moegen bliven co(ram) eisdem
//
//
Nagekeken door: Inge Moris
Moderator: Inge Moris
Laatste update:: 2012-08-29 door Inge Moris