Nae dien dat op heden comen zijn bijden borg(er)meester en(de)/ raide vander stadt de gesworen(en) vanden lijne(n)wevers geven(de)/ te kynnen hoe dat naeder rollen vande(n) ambachte nyemant/ int ambacht come(n) en mochte die buyten gewracht hadde/ hij en brachte behoirlike c(er)tificacie vand(en) plaetssen van goet/ ende getrouwe te zijne etc(etera) oft dat tselve bij goede ma(n)nen/ alhier alsoe gecertificeert wordde ende want een geheete(n)/ willem van rode die tvoirs(creven) ambacht gedaen heeft tot/ kerberge ende mits den tijde nu wesende vander orlogen/ qualic certificacie conste gecrigen ende hij aensocht/ den selven gesworen(en) int ambacht te comen(e) soe/ hebben t(er) p(rese)ncien vanden selven borg(er)meester gec(er)tificeert/ op hue(re) trouwe ende eedt jan vander hoeven peeter/ de becke(re) ende peeter vand(er) calste(re) dat zij den voirs(creven)/ willem(me) van rode houden voir goet ende getrouwe/ staen(de) ter goeder famen ende name ende anders noyt/ van hem verhoort en hebben te dien ynde dat tvoirs(creven) a(m)bacht/ he(m) nae dien soude hebbe(n) te moege(n) r(e)guleren cor(am) hove burg(imagistr)[o]/ febr(uarii) ix/
//