It(em) yweyn van ophem in p(rese)ntia heeft genomen ende bekint/ genomen te hebben tegen joh(ann)ese vand(er) eycken procur(eur) tgodsh(uys)/ van corby de groete thiende der selv(er) he(ren) gelegen inde/ prochie van ned(er)ijssche mett(er) thiensschue(re)n aldair gelijc ende
//
alsoe verre de voirs(creven) weyn die vanden selven he(re)n met scepen(en)/ brieven van loven(en) gehouden heeft te houden ende te hebben/ van tsint jansmisse naistcomen(de) eenen t(er)mijn van tweelf/ jae(re)n lanck due(re)nde deen nae dander stappans zond(er) middel/ vervolgen(de) elcx jairs dae(re)nbynnen om ende voe(r) vijftich mudde(n)/ rocx vijftich mudden even(en) ende (½) mudde tarwen elcx grains/ goet ende payabel mate van loven(en) wel bereyt met wanne/ ende vede(re)n alsulx als vand(er) selv(er) thienden jairlijcx come(n) zal/ alle jae(re) te kersmisse te betalen(e) ende te loven(en) den he(re)n/ van corby hue(re)n procur(eur) janne vand(er) eycken oft ande(re)n des/ gemechticht [g...chticht] zijnde inde herberghe van corby oft elde(r) bynnen/ der selver stadt eene(n) solde(r) hoghe te leve(re)n den voirs(creven) termijn/ due(re)nde quol(ibe)t ass(ecutu)[m] It(em) es vorweerde dat de voirs(creven) wynne/ jairlijcx leve(re)n sal xl mandele(n) walms bynnen der voirs(creven)/ schue(re)n ende noch zesse hoepen stroes bolsters jairlijcx te/ loven(en) te leve(re)n It(em) es vorweerde dat de voirs(creven) weyn sculd(ich)/ sal sijn te dragen(e) ende te betalen boven de pechtinge van/ coren(en) voirs(creven) alnoch sijn part ende porcie van alsulken zesse/ hondert ende tsestich rinsgulden(en) eens als de selve joh(ann)es/ rintmeest(er) heeft moeten uuytleggen ende betalen ten inne/ nemen(e) van zijnen t(er)mijne ende dit al nae gelande vanden/ goeden ende pechtingen voirg(enoemd) ende oic nae advena(n)t vand(en)/ ande(re)n pechtingen vanden goeden van corby voirs(creven) [en(de) alle dese vorw(er)d(en)]/ cor(am) lyefkenrode vos m(ar)tii xxvi
//