Nae dien dat come(n) zijn bijden rade vander stadt jan/ van berthem roelofs zone ter eender ende joes nijs als/ p(ro)cur(eerder) reyners vanden cousgate wy(n)ne des voirscr(even) jans t(er)/ ande(re) zijden aldair de voirscr(even) jan versocht te hebben(e)/ betalinge van zesse sacken corens en(de) ande(re) resten die/ de voirscr(even) zijn wi(n)ne hem noch tachter was van sinte/ andr(ies) misse lestleden nae uuytwijse(n) d(er) pechtinge(n) en(de)/ brieve(n) d(air)aff wesen(de) ende den selve(n) met rechte dairtoe/ bedwongen te hebben(e) dair tegen de voirscr(even) joes ind(en) / name als bove(n) allig(er)de schaden en(de) laste(n) den voirs(creven) zijne(n)/ meest(er) geschiet te zijne ter causen vander orloge(n) hopen(de)/ alsoe dat hij d(air)aff cortsel hebben soude nae gelege(n)th(eyt)/ van zijnder schaden p(rese)nte(re)nde nochta(n) de twee deele/ vander schult en(de) reste(n) voirscr(even) die bevond(en) soude(n) worde(n)/ op te leggen(e) en(de) te betalen(e) en(de) dat tderde deel soude blive(n)/ in surcean(cie) totter tijt dat bijden lande(n) oft stede(n) ten inde/ vander orlogen oft and(er)ssins d(air)op geordineert souden werde(n)/ wes men in dien ende dier gelijcken soude(n) hebbe(n) te doen(e)/ hopen(de) d(air)mede te gestane dair tegen jan r(e)plice(re)nde/ seyt dat hij egheene schade(n) oft weynich gehadt hadde/ hopen(de) dat hij de pechtinghe en(de) scepen(en) brieve(n) voldoen/ soude te voirde(re) want hij zijne(n) wi(n)ne p(rese)nteerde als de/ goede(n) op tvelt noch ware(n) de helcht taenveerden(e) en(de) de/ voirs(creven) wy(n)ne dande(r) dwelck de selve wi(n)ne niet ae(n)veerde(n)/ en woude bliven(de) bij zijne pechtinge met meer woirde(n) in/ wed(er)zijden geallig(er)t tende(re)nde ten ynde voirs(creven) es bijden/ selve(n) rade h(ier) op gelet zijnde geseyt en(de) geappointeert dat/ de voirscr(even) procur(eerder) gestaen sal noch ter tijt metter p(rese)ntacien/ voirscr(even) vande(n) twee deele(n) d(er) reste(n) van die t(er) stont te/ betalen(e) en(de) dander in surcean(cie) blive(n) tott(er) tijt dat d(air) and(er)ssins/ op versien ende gelet sal wese(n) in cons(ili)[o] op(idi) maii xxii/