Item al eest dat de voirscr(even) geluefte va(n) genoech doen(e) en(de)/ waerscape der voirscr(even) goeden bijden voirscr(even) gehuyssche(n) sympelijck/ en(de) zonder condicie geschiet zijn soe es nochtan openbaerlijck/ bevorwert en(de) ondersproken dat de voirscr(even) coope(r) jan va(n)/ hoevelde te hemwert nempt en(de) genome(n) heeft den last/ vander vrouwe(n) weduwe(n) pet(er)s wijlen [vacat] juweliers va(n)/ alsulker tocht als zij hue(re) leefdage aende selve goede sculdich/ es te hebben(e) en(de) dat der selver geluefte(n) va(n) genoech doen(e)/ en(de) waerscape niet tegenstaen(de) de selve va(n) hoevelde v(er)wachte(n)/ sal daenveerde(n) en(de) tgebruyck vande(n) goede(n) tot nae de doot/ vander selver vrouwe(n) oft de selve d(air)aff uuyt coope(n) oft hue(re)n/ moet hebbe(n) op dat hij can zonder dat d(air)om yet te min/ de voirscr(even) gehuyssche(n) v(er)achtert sulle(n) zij(n) in huer(er) voirs(creven) rinte(n) om/ die aent voirscr(even) erve op dat de voirs(creven) jan va(n) hoevelde d(air)aff/ zijne(n) afcoop gedoe(n) can te v(er)hale(n) oft dat anders in die(n) die(n)/ afcoop niet en conste gebue(re)n de selve va(n) hoevelde gehoude(n)/ soude zijn der selver vrouwe(n) leefdage lanck jairlijx voe(r)/ de selve rinte va(n) vi(½) rinssche guld(en) erflijck inne te stane/ en(de) die den selve(n) gehuyssche(n) te v(er)nuege(n) en(de) nae d(er) selver vr(ou)w(en)/ doot die dan in dien gevalle aende pande te v(er)hale(n) eisd(em)
//