Item es den voirscr(even) schultbrief bekint te dier meyni(n)gen bijde(n)/ voirscr(even) he(re)n en(de) meeste(re)n claese der voirscr(even) katlijne(n) om dat/ zij d(air)mede sal moegen verhalen de voirscr(even) so(m)me ae(n) zekere/ haeflijcke goede h(ier)nae volgen(de) zoe v(er)re die strecken bij alsoe/ bij yemande huer d(air)inne e(n)nich ongebruyck oft questie souden/ gebue(re)n van die huer te willen ontvremden oft af te neme(n)/ te weten(e) eene coetche va(n) x vie(re)ndele(n) met eene(n) bedde/ beddeclede(re) o(m)meganck zetel ende twee paer slapenlaken(en)/ totter selver coetchen behoirende Item noch eene coetche va(n) twee elle(n)/ met eene(n) bedde beddeclede(re) sargie twee paer slapenlaken(en) ende/ een oircusse(n) totter coetchen behoiren(de) Item noch twee cleyne beddeke(n)s/ met hue(re)n toebehoirte(n) Item eene voudzijdele Item eene cleyne/ cleyne voudzijdele Item een tritsoer Item twee tafele(n) It(em) vi saele(n)?/ en(de) eene coetche va(n) drie ellen Item drie brantysers Item twee/ tange(n) Item eene(n) hael Item twee spete(n) met twee braetpa(n)nen/ Item eene(n) roost(er) met ande(re)n cleyne(n) yserwercke inder coken(en) behoeflijck/ wesen(de) Item vi ty(n)nen platteele(n) Item vi ty(n)nen co(m)mekens Item/ vi sausie(re)n It(em) xii ty(n)nen telioe(re)n Item xiii tynne(n) potte(n) onder/ cleyn ende groot Item eene() ty(n)nen com Item eene(n) ty(n)nen(e) pispot/ It(em) twee ketele(n) It(em) twee becken(en) elc met zijne(n) waterpotte/ Item eene metale(n) pa(n)ne met eene(n) sterte Item vier metale(n) ca(n)delers/ Item eene(n) metalen(e) cruymortier Item twee metale(n) hantvate/ Item drie a(m)melaken(e) Item viii s(er)vietten Item drie hantdwelen/ Item drie geschilde berde(re)n ende oick aen zeker core(n) en(de) vleesch/ bynne(n) zijne(n) huyse liggen(de) en(de) wesen(de) dewelke hij mits desen/ der selver katlijne(n) gheeft laet en(de) transporteert in puerder/ ghiften zonder e(n)nige actie recht oft int(er)est d(air)aen te behouden(e)/ noch in toecomen(de) tijden teysschen(e) in e(n)niger manie(re)n tot behoeff/ en(de) sustentacie(n) va(n) eene(n) zijne(n) jonge(n) neve geheete(n) huyghe/ oliviers zone va(n) middelborch en(de) oick der voirs(creven) katlijne(n)/ den welk(en) jongen hij alh(ier) om godswille ter schole(n) laten(de)
//
es om vanden selve(n) goede(n) bijlevi(n)ge ende gebruyckinghe/ te neme(n) als van hue(re)n eygen(en) ende prope(re)n goeden het zij bij/ v(er)coope oft anderssins alsoe dat hen van noode sal moege(n)/ wesen cor(am) eisdem/