It(em) jan vlemi(n)ck ende lijsbeth vander strate(n) zijn wijff in p(rese)ncia/ hebbe(n) gekindt ende gelijdt ope(n)baerlijck dat zij wettelijck/ vercocht hebben gerardo de thymo al(ia)s vanden male alsulcke(n)/ recht actie successie ende deel als hen e(n)nichssins toecomen/ en(de) verstorve(n) zijn bij ende nae de doot arnts wijlen de smet/ platij(n)makers oem der voirs(creven) lijsbetthe(n) vand(er) strate(n) woenachtich/ als hij leefde inder stadt van doericke voe(r) eene(n) seke(re)n so(m)me/ d(air)aff de voirs(creven) jan vlemi(n)ck en(de) lijsbeth hen bekynnen wel/ vernuecht en(de) betaelt te zijne geloven(de) den selve(n) gerardo/ alle behulpe ende bijstante te doen(e) sonder hue(re)n cost zoe v(er)re/ des behoire(n) en(de) behoeven(de) sal moegen dat hij totter selver huer(er)/ successie(n) ombelet van yemande sal come(n) en(de) gerake(n) et t(antu)m/ prout met cond(icien) oick oft bevond(en) wordde dat de voirs(creven)/ gehuyssche(n) inder voirs(creven) successie niet gericht en wae(re)n dat zij/ alsdan de(n) voirs(creven) gerardo zijn pe(n)ni(n)gen die hij d(air) om
//
uuyt gegeve(n) sal hebbe(n) restitue(re)n zulle(n) ende hem d(air)aff/ inne staen cor(am) opp(endorp) vynck junii secu(n)da
//