Eene deylinge en(de) sceydinge geschiet en(de) gemaict sijnde/ tusschen pete(re)n van arenberghe sone wijlen pet(er)s t(er)/ eend(er) goirde van arenberghe brued(er) desselfs peters ter/ ande(re) paesschijne(n) yden wed(uwe) wout(er)s wijlen van/ arenberghe brued(er)s als hij leefde d(er) voirscr(even) gebruede(re)n/ inden naeme va(n) huer en(de) van pete(re)n en(de) ja(n)ne hue(re)n/ sonen ond(er) hue(re) dagen sijnde de welke zij en(de) jan yden/ huer brued(er) gelove(n) hier inne te v(er)vangen soe wa(n)neer
//
zij tot hue(re)n mondigen dagen gecome(n) selen sijn dat sij/ gelijcke v(er)thidenisse doen selen t(er) derder marien van/ arenb(er)ge sust(er) d(er) voirs(creven) bruede(re)n inden name va(n) huer/ en(de) van hue(re)n vier wettige(n) kinde(re)n die sij heeft van/ wijlen janne gherijs ond(er) hue(re) dagen wesen(de) de welke/ zij en(de) pet(er) van arenb(er)ge huer brued(er) voirs(creven) gelove(n) te/ v(er)vange(n) uts(upra) t(er) vierd(er) ja(n)ne yden en(de) lijsbette(n) van/ arenb(er)ge sijnd(er) huysvr(ouwe) sust(er) d(er) voirs(creven) gebruede(re)n en(de)/ suste(re)n ter vijfster en(de) katlijne(n) van arenberghe suster/ d(er) voirs(creven) p(er)sone(n) met (con)sente wille en(de) ov(er)stane wout(er)s/ van arenb(er)ge huers oems van svaders wegen en(de)/ jans herbouts maechs d(er) selv(er) katlijne(n) vand(er) moeder/ wegen affirme(re)nde dat dit gedaen wert totte(n)/ meeste(n) orbe(re) en(de) p(ro)fijte der selv(er) katlijne(n) t(er) sester sijde(n)/ vanden goeden chijsen rinte(n) en(de) pachten hen v(er)schene(n)/ en(de) toecome(n) bij en(de) nae d(er) doot des voirs(creven) wijlen/ pet(er)s van arenb(er)ge en(de) lijsbette(n) vand(er) bueken sijnder/ huysvr(ouwe) vader en(de) moeder der voirscr(even) kinde(re)n te deylen(e)/ Soe sijn gebleve(n) en(de) gevallen den voirs(creven) pete(re)n van/ arenb(er)ge in sijn deylinge de goede hier nae bescr(even)/ te weten(e) inde(n) yerste(n) een half boend(er) lants gelege(n)/ buyte(n) d(er) groefpoirte(n) t(er) wijng(ar)t porte(n) weert tussche(n)/ de goede gorts van balen t(er) eende(re) en(de) de goede des/ groote heylige gheest van loven(en) t(er) and(er) sijden It(em) een/ half boend(er) lants gelege(n) opt groen(er)velt tussche(n) de/ goede d(er) kinde(re)n beckers t(er) eende(re) en(de) de goede vand(er)/ banck t(er) ande(re) It(em) een boend(er) lants gelege(n) in een block/ aende herstrate bijde strate geh(eeten) verlore(n) cost tusschen/ de goede jans vyncx t(er) eende(re) en(de) tsh(er)toge(n) wech t(er) ande(re)/ de wijng(ar)tstrate opde derde sijde It(em) i(½) dach(mael) lants/ gelegen bove(n) tsteenken op v(er)loren cost tusschen de goede/ jans pynnock t(er) eende(re) en(de) steve(n) van aelst t(er) ande(re) en(de)/ d(er) jouffr(ouwe) vand(er) borch goede t(er) derd(er) sijden It(em) neghen/ vie(re)ndeel lants gelege(n) in twee stucken opde graumee(re)/ deen houden(de) i(½) dach(mael) gelegen neve(n) de goede smuysers
//
op beyde de zijden en(de) dand(er) stuck houden(de) iii vie(re)ndeel is/ gelegen neven de goede smuysers voirs(creven) te ii sijden It(em)/ noch xl roeden wijng(ar)ts gelegen opde bollarts laghe/ tusschen de goede der kinde(re)n jans wijlen van thiene(n) en(de)/ de goede bernarts [vacat] opde co(m)me(re)n en(de) lasten d(air)/ voe(r) uutgaen(de) hanc quoq(ue) et sat(is) cor(am) oppendorp/ vynck julii xv/