Nae dien dat de meye(r) van wave(re) met drie div(er)se brieve(n)/vand(er) stadt deen corts nae dande(r) en(de) uut(er)lijck op sijn/exces aen hem gescreve(n) v(er)socht es geweest costeloos tontslaen(e)/ja(n)ne wafla en(de) ja(n)ne de tilhou die hij aengetast hadde/om deswille dat sij als getuyge(n) dair toe geroepe(n) ende/genome(n) bij ja(n)ne de dyon geheete(n) de sart den selve(n) ja(n)ne/woude(n) hulpen stercken sijn behoudt dair hij met hoot/vo(n)nisse d(er) scepen(en) va(n) loven(en) toegewijst was uute(n) p(ro)cesse/alh(ier) overbracht bijden scepen(en) va(n) sart des voirs(creven) jans van/dyon uut saken va(n) sijne(n) grontchijse die hij eysschen(de) was
//
op seke(re) goede gelegen ond(er) grave(n) toebehoiren(de) eene(n) geheeten/jasp(er) pierlot nochtan dat nae gemeyne(n) rechte en(de) ond(er)houden(de)/alle getuyge(n) vry en(de) vranck besund(er)t van civilen oft haef/lijken saken gaen en(de) kee(re)n moege(n) ongehacht en(de) ongehouden/getuygenisse dragen en(de) om hem te come(n) v(er)antweerde(n) dat hij/boven de twee yerste brieve de selve gevangen(e) niet alleene/niet ontslagen en hadde mair die meer in hue(re)n gevanckenisse/beswaert en(de) de selve oft e(n)nige van dien inden putte te /wate(r) en(de) te broode gesedt hadde Soe sijn op hede(n) tegen/malcande(re)n come(n) voe(r) den raide vand(er) stadt de voirs(creven)/jan van dyon t(er) eende(r) en(de) toussain spouron inde(n) name en(de)/als p(ro)cur(eur) m(ijns) he(re)n van wave(re) en(de) sijns voirs(creven) meyers aldair/t(er) and(er) sijden Aldair gelesen sijnde de voirs(creven) drie v(er)suecbrieve(n)/de voirs(creven) van dyon bleeff bijden inhouden(e) vande(n) selve(n) en(de)/den informatien bij hem in dien gegeve(n) v(er)sueken(de) want de/getuygen mette(n) lesten brieve mits borchtochte(n) bij hem alhier geschiet/ulti(m)a julii lestleden nu yerst ontslage(n) wae(re)n dat de meye(r)/die billix selve in p(er)sone gecompar(er)t soude hebben hem v(er)ant/weerde(n) op sijn exces soe v(er)re bedwonge(n) wordde mett(er) he(re)n/uutspraken dat sijn getuyge(n) voirscr(even) om den voirscr(even) hootvo(n)nisse/genoech te sijne en(de) hem d(air) mede te moege(n) behulpen mochte(n) vry/en(de) vranck ombelet come(n) en(de) kee(re)n sijn voirs(creven) behoudt hulpen/stercken hij p(rese)nteerde den hee(re) van wave(re) aengaen(de) d(er) questien vand(er)/heerlich(eyt) t(er) questien te stane t(er) plaetsen dair en(de) soe dat behoirt/En(de) aengaen(de) d(er) ongehoirsamh(eyt) des voirs(creven) meyers en(de) den excesse/bij hem begaen van dat hij bove(n) tscrive(n) vand(er) stadt te twee/reysen aen hem gedaen de gevangen(e) beswaert hadde dair/liet hij d(er) stadt mede gewordde(n) want hem dat niet aen/en ghinck mair d(er) stadt en(de) de voirs(creven) toussain p(ro)testeerde/voir al dat sijn meyni(n)gen gheenssins en wae(re)n dat hij hem in/dit stuck selve als p(ar)tie steken woude al wairt dat hij inde(n)/name als voe(r) hem d(air) tege(n) opponeerde en(de) seyde hoe m(ijn) hee(re)/van wave(re) sijne(n) meye(r) gelast hadde te doene tgene des hij/d(air) inne gedaen hadde en(de) hadde dat doen doen want hij hielt/die plaetse hem en(de) sijnd(er) heerlich(eyt) toebehoiren(de) dair die twee/getuygen op gevange(n) wae(re)n en(de) dair zij janne de dyon/sijn behoudt op wouden hulpen stercken wair bij m(ijn) hee(re) hoopte/dat sijn meye(r) dair aen niet mesdaen en hadde oic was/m(ijn) hee(re) soe hij seyde in possessien van sijnd(er) heerlich(eyt) t(er) plaetsen/voirscr(even) en(de) meynde dat de getuyge(n) wed(er) come(n) souden /te rechte ond(er) hem te wave(re) d(air) sij gevange(n) geseten hadden en(de)
//
uutgescr(even) wae(re)n mits d(er) borchtocht voirs(creven) tegen dwelck de/voirs(creven) jan de dyon de comrie sustin(er)de en(de) besund(er)t want/den getuyge(n) gheenssins aen en ghinck de questie vand(er) heerlich(eyt)/wien die toebehoirde Te voirde(r) oic want men de selve/als van civilen saken mits borchtochte(n) hadde ontslage(n) en(de) men/oic wel bevi(n)den soude ofts noot wae(re) dat sij gestaen hadden/en(de) stonden tot goeden name en(de) famen Es p(ar)tien uutgesproken/yerst dat de voirs(creven) jan van dyon met sijne(n) voirs(creven) getuyge(n)/oft ande(re)n hem d(air) toe dienen(de) ombelet sal moege(n) voirtvae(re)n/in sterckenisse va(n) sijne(n) voirs(creven) behoude acht(er)volgen(de) den hootvo(n)nisse/t(er) plaetsen dair en(de) soe hij dat begonst en(de) aengaen(de) der/questien vand(er) heerlich(eyt) die sulle(n) beyde de he(re)n moege(n) v(er)volgen/deen tegen dande(re) t(er) plaetsen dair en(de) soe dat behoirt en(de) ten/derden male dat de voirs(creven) meye(r) hebben sal eene(n) dach voir/al op van in vrijdage naistcomen(de) in acht dage(n) selve/te compare(re)n oft p(ro)cur(eur) volcomelic gelast ind(er) saken van/sijne(n) ongehoirsamh(eyt) en(de) excesse voirs(creven) tantweerde(n) voe(r) den/raide vand(er) stadt soe sijne(n) raid gedragen sal om d(air)entinde(n)/dair inne gedaen te wordde(n) des behoire(n) sal in (con)silio op(idi)/augusti vi/