It(em) jan de briede(re) sone wijle(n) jans woenen(de) te libbeke/ heeft genome(n) en(de) bekint genome(n) te hebben(e) tege(n) arnde/ weers de wi(n)nen(de) lande hier nae bescreve(n) gelege(n) inde/ p(ro)chie va(n) libbeke voirs(creven) Inde(n) ierste(n) vijf dachmale(n)/ lants gelege(n) t(er) plaetsen geheete(n) gheestbeeke tussche(n)/ de goede(n) jans ty(m)merma(n)s t(er) eend(er) en(de) de goede jans/ vand(er) nat t(er) ande(r) zijden It(em) een boend(er) lants gelege(n)/ opt selve velt bove(n) den vlier It(em) een half boend(er)/ lants gelege(n) benede(n) tvoirs(creven) lant aen den vlier It(em) een/ halfboend(er) lants gelege(n) opde co(n)nemi(n)ne geheete(n) den/ coni(n)cxhof It(em) en(de) vii dachmale(n) lants gelege(n) int/ du(n)nenberge(n) block Te houde(n) te hebben te wynne(n)/ en(de) te werve(n) eene(n) t(er)mijn van xii jae(re)n lanck/ due(re)nde deen nae dand(er) zond(er) middel v(er)volgen(de)/ behoudelijck dat zij ten ynde vand(en) yerste(n) seve(n)/ jae(re)n van malcande(re)n zulle(n) moege(n) sceyde(n) op dat/ hen belieft behalve(n) dat de gene die alsoe sal/ wille(n) sceyden sculd(ich) sal zijn den ande(re)n dat te/ condigen een half jair te voe(re)n Elcx jairs dae(re)n/ bynne(n) om ende voe(r) de hellicht van allen den/ vruchte(n) jairlijcx opde voirs(creven) lande wesen(de) Met/ condicien dat de voirs(creven) wynne de voirs(creven) lande(n)/ jairlijcx wynne(n) en(de) werve(n) sal gelijck reengenoete(n)
//
boven ende benede(n) It(em) sulle(n) de voirs(creven) wynne ende/ aernt jairlijcx de voirs(creven) lande mesten tsamend(er)hant/ half ende half It(em) sullen de voirs(creven) wynne en(de)/ arnt jairlijcx tcoren opde voirs(creven) lande wassen(de)/ deylen opt velt mette(n) stroe ende des sal de/ selve wynne gehoude(n) zijn den voirs(creven) arnde zijn/ helicht yerst thuys te vue(re)n It(em) sal de selve/ wynne gehoude(n) zijn tsijnen afsceyden(en) besaeyt/ te late(n) met rogge(n) vii dachmalen lants ende de/ storte eens o(m)me gedaen It(em) sal de voirs(creven) wynne/ noch sculdich zijn den voirs(creven) arnde jairlijcx/ zijn berrehout tzijne(n) huys te leve(re)n en(de) desgelijcx/ oick zijn hoy op zijn goede wassen(de) dwelck/ hij met zijne(n) beeste(n) slijte(n) sal ende and(er)s niet/ Ende want de voirs(creven) wynne bekint heeft/ dat arnt hem geleent heeft xv rinsgulden(en)/ te lx pl(a)c(ken) tstuck soe heeft hij geloeft den selve(n)/ arnde de selve so(m)me te betalen(e) binne(n) drie jae(re)n/ naistcomen(de) te weten(e) vijf rinsguld(en) d(air)af bi(n)nen/ eene(n) jae(r) naistcomen(de) vijff rinsguld(en) d(air)af binne(n)/ eene(n) jae(r) d(air)nae volgen(de) en(de) dand(er) vijf rinsguld(en)/ binne(n) eene(n) jae(r) t(er)stont d(air)nae volgen(de) quolib(e)t ass(ecutu)[m]/ Met conditien oft de voirs(creven) wynne binne(n) den/ voirs(creven) drie jae(re)n aflivich wordde dat in dien/ gevalle de voirs(creven) so(m)me alnoch ombetaelt/ uuytstaen(de) gevalle(n) sal zijn Ende alle dese/ vorweerden en(de) conditien (et)c(etera) cor(am) b(er)ghe h(er)meys/ nove(m)br(is) ultima