Opde questie geport voe(r) den raide vand(er) stat tusschen pauwele(n)/ vanden bossche t(er) eend(er) ende he(re)n [vacat] prochiaen/ van weerde t(er) ande(r) zijden om der ruymi(n)gen die de selve pauwel/ versochte dat de voirs(creven) h(er) [vacat] dede van zijne(r) huyse gelege(n) inde/ hoelstrate tegen de tomestrate want hij hem d(air)aen gheen recht/ van hueringen noch anderssins en kinde hopen(de) dat dat alsoe/ sculdich was te gescieden(e) te voirde(r) want de selve h(er) [vacat]/ voir sint jansmesse geloeft hadde voir wet alhier rechts te plegen/ in desen ende hem met gheene(n) ande(re)n te behulpe(n) des pauwel he(m)/ gedroech tott(er) voirscr(even) wet Dair tegen de voirs(creven) h(er) [vacat]/ antwerden(de) bekinde genoech hoe hij aengenomen hadde in des(en)/ tgerichte alh(ier) ende geloeft dair mede op ende af te gaene mer/ seyde hoe dat voe(r) sint jansmisse als dese questie verhaelt w(er)t
//
voe(r) den substituyt vanden borg(er)meester (christ)iaen de nausnyde(re) en(de)/ enigen vanden raide dair hijs hem toe gedroech p(ar)tien in wed(er)zijde(n)/ hen gedrage(n) hadde(n) in desen tot woute(re)n van laetwijck alse dat hij/ dairaf te spreke(n) soude wete(n) ende aldus en hoepte(n) hij vand(en)/ hueri(n)gen alnoch niet te sceyden mair die een jair alnoch te behoude(n)/ te voirder want hij gedroech hem des tott(er) voe(r) wet dat de voirs(creven)/ pauwel genoech bekint hadde dat in dien hij zijn huys hadde/ wille(n) ov(er)hebbe(n) dat hij dat hem drie maande(n) te voe(re)n hadde moete(n)/ opsegge(n) ende wairt de selve pauwel met bewijsen en soude/ come(n) dat hij dat gedaen hadde ende hij oic coene wae(r) op zij(n)/ borst als een prieste(r) dat dat opsegge(n) alsoe niet geschiet en was/ Soe sustineerde hij in zijn hueringe te blive(n) noch een jair lanck/ Dair tege(n) pauwel t(er) (contra)rien allige(re)nde seyde dat dat alsoe niet/ behoiren en soude want hij yerst mair een half jair gehuert/ en hadde noch gehoude(n) Es gecleert ende uuytgesproken/ nae dien de voirscr(even) wout(er) dairop gehoort es geweest die/ luttel oft niet gecleert en heeft t(er) materien dienen(de) eve(n)verre/ de voirscr(even) h(er) [vacat] op zijn borst onschult doet vand(en) voirscr(even)/ opseggen(en) aen he(m) niet geschiet te zijne dat in dien gevalle/ hem hueri(n)ge aen tvoirs(creven) huys noch volgen zall tot kersmisse/ naistcomen(de) oft lange(r) opdat he(r) pauwel drie maend(en) voe(r)/ den zelve(n) kersmisse gelijc voe(r) dat niet op en seeght/ dwelc de zelve(n) pauwel hem t(er) stont ald(air) in p(rese)ncien/ vand(en) wet ope(n)bairlijck opseyde tege(n) kersmisse naestcomen(de)/ In consilio opidi cor(am) pynnock substituto buetsele burg(imagist)[ro]/ et plu(r)ibus aliis de consilio julii t(er)cia