Want vranck cleyma(n)s als geleydt nae des(er) stadt recht voir/ sijn wettich gebreck uut crachte va(n) scepen(en) brieve(n) va(n) loven(e)/ tot allen den goeden beyde have ende erve jans wijle(n) hoelma(n)s/ soe wair die gelegen zijn hem met brieve(n) van des(er) stadt/ gescreve(n) aenden meye(r) van werchte(r) oft zijnen stadhoude(r)/ alle de selve goede heeft doen leve(re)n ende de weduwen/ des voirs(creven) wijlen jans hoelma(n)s dach van rechte oft zij/ huer d(air)tegen hadde wille(n) oppone(re)n te compare(re)n inde banck/ voe(r) meye(r) ende scepen(en) van loven(e) doen besceyden Ald(air) zij/ op heden als ten verstreken(en) daghe niet gecompareert en es/ noch p(ro)cur(eur) van huer(en) wege(n) he(m) d(air)tege(n) oppone(re)nde den voirs(creven)/ geleyden altijt compare(re)nde ende trecht voirts v(er)sueken(de)/ soe hebben scepen(en) van loven(e) t(er) manissen smeyers nae/ dat hen bij rescripte jans va(n) elsbroeck meyers inden dorpe/ van werchte(r) voirs(creven) gebleken heeft de voirs(creven) leveri(n)ge en(de)/ dachbesceydinge gesciet te zijne gewesen voir een/ vonnesse wair de wed(er)p(ar)tie des voirs(creven) geleydde(n) niet/ en compareert voe(r) den opstane smeyers en(de) der scepen(en)/ datmen den voirs(creven) geleydden vanden voirs(creven) goede(n)
//
houden soude inde macht van zijne(n) beleyde scepen(en) brieve(n)/ ende leveri(n)gen alsoe verre alst noch van scepen(en) come(n) es/ in scampno novembr(is) v[ta]