Want lambert duffay als geleydt nae des(er) stadt recht voir/ sijn wettich gebreck uut crachte van scepen(en) brieve(n) van/ loven(e) tot allen den goeden beyde have ende erve costain/ le bonnier soe wair die gelege(n) zijn hem met brieven/ van des(er) stadt gescreve(n) aenden meye(r) van gestial oft/ zijne(n) stedehoude(r) alle de selve goede heeft doen leve(re)n/ ende dach van rechte doen besceyden den selve(n) costain/ te compare(re)n inde banck voe(r) meye(r) ende scepen(en) van/ loven(e) oft hij hem dair tegen hadde willen oppone(re)n/ Ald(air) hij op hede(n) als ten verstreken(en) daghe niet en es/ gecompareert he(n) d(air)tege(n) oppone(re)nde den voirs(creven) geleydde(n)/ compare(re)nde ende trecht voirt versueken(de) soe hebbe(n)/ scepen(en) van loven(e) t(er) manissen smeyers nae dat hen/ bij rapporte pauwels bierman der stadt bode behoorlijck/ gebleke(n) heeft de voirs(creven) leveri(n)ge ende dach besceydinghe/ gesciet te zijne gewesen voir een vonnesse datme(n) den/ voirs(creven) geleydden houden soude inde macht van zijne(n) beleyde/ scepen(en) brieven ende leveringen alsoe verre alst noch/ voir scepen(en) comen es In scampno nove(m)br(is) qui(n)ta