Nae dien dat op hede(n) come(n) zijn voe(r) den raide vand(er)/ stadt jorijs hubrechts t(er) eend(er) ende symoen de scepe(re)/ en(de) laur(ijs) van thiene(n) zijn zwag(er)s t(er) ande(r) zijde(n) als/ vand(en) gelufte(n) en(de) toeseggen(en) d(air)op de voirs(creven) jorijs voe(r)/ meye(r) en(de) scepen(en) tege(n) hen procede(r)ende was uuyt/ sake(n) van xxiiii rinsguld(en) die hem in tijde(n) voirled(en)/ tot zijnd(er) duwarien geloeft soude(n) zijn geweest met/ zijnd(er) yerster huysvrouwe(n) zust(er) des voirs(creven) symoe(n)s/ en(de) dat navolgen(de) der t(er)mi(n)acien bijd(en) stadt in dese(n)/ gegeve(n) decembr(is) iiii[ta] lestled(en) hem willen(de) in dien/ behulpe(n) met levend(er) wairheyt ende hoe dat in/ contrarien van dien de voirs(creven) zijne wed(er)p(ar)tie hem/ verboidt hadde gedaen met zeke(re)n inhibicien ald(air)/ niet te moge(n) procede(re)n met zijnd(er) geluften en(de) leven(der)/ wairheyt In dien wesen(de) in contrarien van des(er)/ stadt recht en(de) afnemen(de) den gerichte voe(r) meye(r)/ ende scepen(en) d(air) dat behoorde te voirde(r) oic want/ hij hem in desen mett(en) huwelijck(er) vorweerde(n) voe(r)/ notar(is) gemaect niet behulpen en woude dan alleene/ opde p(er)soenele gelufte hem gedaen ende der voirs(creven)/ levend(er) wairheyt d(air)af zijnde Bege(re)nde alsoe en(de)/ aensueken(de) zijne voirs(creven) wed(er)p(ar)tie ond(er)wese(n) te hebben(e)/ dat zij he(m) d(air)af ongemoeyt liete(n) te voirde(r) oick wa(n)t/ hij alnoch sijn aensprake niet gedaen en hadde voe(r)/ meye(r) en(de) scepen(en) ende alsoe qualic conste(n) geweten/ wairop hij hem funde(re)n soude(n) Dair tege(n) de voirs(creven)/ zijne wed(er)p(ar)tie sustineerde want der huwelik(er)/ voirweerde(n) aenghinc dat die geremitteert soude/ worde(n) dair dat behoorde bliven(de) ende doende
//
in dien d(air)af tverbot van huer(en) inhibicien in dien/ verwerve(n) hopen(de) d(air)af geremitteert te wordden/ ende gefundeert te zijne te moege(n) procede(re)n ter/ plaetsen dair deselve inhibicie vercrege(n) mochte/ wesen De voirs(creven) hue(r) wed(er)p(ar)tie de contrarie sustine(re)nde/ naeden lantrechte ende ouden onderhouden(en) alhier/ soe v(er)re hij hem alhier niet en behielp mette(n) instrume(n)te/ der zelv(er) huwelijcker voirweerde(n) mair zijn aensprake/ fundeerde op personele(n) gelufte(n) bij leven(de) p(er)soene(n) te/ thoene(n) dair hij hem soude moege(n) toe gedragen/ dat hij alhier soude moege(n) procede(re)n ende sijn p(ar)tie/ tselve niet en soude conne(n) belette(n) ende oft zij van/ hue(re)n voirnemen(en) in dien niet en cesseerden dat/ beval hij der hoech(eyt) vand(er) rechte Es geappointeert/ dat de voirs(creven) jorijs navolgen(de) der voirgaen(de) t(er)mi(n)acie(n)/ sal moege(n) procede(re)n voe(r) meye(r) en(de) scepen(en) van/ zijnd(er) geintenteerd(en) actien op gelufte en(de) leven(der)/ wairheyt gefundeert zijnde sond(er) belet va(n) zijnd(er)/ p(ar)tien behalve(n) in dien soe verre hij hem dair met/ instrume(n)te der huwelijcker vorwerde(n) behulpe(n)/ woude der wed(er)p(ar)tien huer(en) excepcie om die/ gerevoyeert te wordden(e) dair dat behoorde/ der weerde(n) en(de) onweerde(n) aengaen(de) Ende oft zijn/ wed(er)p(ar)tie and(er)ssins den selve(n) jorijse enich belet/ dede met inhibicien oft and(er)ssins en(de) d(air) inne p(er)se/ vereerde tegen zijne(n) voirnemen(en) van gelufte(n) en(de)/ levend(er) wairheyt dat de stadt in dien gevalle/ op zijn p(ar)tie alsoe soude pijne(n) te v(er)siene nae den/ ond(er)houden(en) vand(er) stadt rechte zoe zij bevi(n)den/ soude(n) behoiren(de) Actu(m) in consilio opidi dece(m)br(is) ix