Item wouter van berthem droechscheerde(r) in p(rese)ncia heeft genome(n)/ ende bekint genome(n) te hebben van ad(ri)anen verheylwige(n) en(de) henr(icken)/ van vlaende(re)n als executuers vande(n) testamente en(de) uuyt(er)sten wille/ joh(annis) wile(n) vander eycke(n) proeft als hij leefde d(er) goeden van/ corbye de thiende der voirscr(even) hee(re)n va(n) corbye gelege(n)/ inde prochie va(n) berthem op scaepbosch gelijck jan va(n) m(er)beke/ die voirtijts gehoude(n) heeft Te houden te hebbe(n) en(de) te/ gebruycken van sint jansmesse baptiste(n) lestlede(n) eene(n) t(er)mijn/ van xii jaire(n) lanck deen nae dande(r) zonder middel v(er)volgen(de)/ Elx jairs d(air)enbynne(n) om ende voe(r) acht croone(n) te xxiiii/ stuv(er)s tstuck den stuv(er) te iii pl(a)c(ken) ende een mol(evat) erwete(n)/ alle jaire te kersmesse te betalen(e) quol(ibet) ass(ecutu)[m] It(em) es vorw(er)de/ al wairt alsoe dat e(n)nige schade(n) toequame(n) va(n) tempeeste/ orloge(n) oft hagelslage der thiende(n) voirs(creven) dat me(n) nochtans/ hem gheen restoir doe(n) en sal Item voirts es vorweerde/ dat de voirscr(even) wout(er) van berthem schuldich sal zijn te dragen(e)/ en(de) te betalen(e) bove(n) de pechtinge voirscr(even) noch zijn paert en(de)/ porcie va(n) alsulke(n) vi[c] en(de) lx rinssche gulden(en) eens als wile(n)/ joh(ann)es vander eycken heeft moete(n) betale(n) en(de) uuytlegge(n) ten inne/ neme(n) van zijnen t(er)mijne en(de) dat al nae gelande vander/ pechtinge(n) ende thienden voirs(creven) en(de) oick nae advena(n)t vande(n)/ ande(re)n pechtinge(n) d(er) goeden va(n) corbye voirscr(even) int generael En(de)/ h(ier)aff es borghe des voirscr(even) wout(er)s va(n) berthem [vacat]