Nae dien dat op heden comen zijn bijde(n) raide va(n)d(er)/ stadt h(er) reyne(r) vand(er) elst prochiaen der kercke(n)/ va(n) sint jacops te loven(e) ende gielis van corbeke/ de jonge inde(n) name vand(en) selv(en) kercken t(er) eenre/ ende jan boxhoren met gheerde(n) de gruyte(re) t(er) ande(r)/ zijden als vand(en) rechte(n) vand(en) sepulturen ende/ kercrechte(n) der weduwe(n) wijlen ketseurs zust(er)/ des voirs(creven) jans welke rechte(n) de voirs(creven) p(ro)chiaen/ en(de) gielis begeerde uuytgereyct en(de) betailt te/ wordde(n) D(air)tege(n) de voirs(creven) jan boxhoren ende/ gheert de gruyte(re) questie hebben(de) vande(n) goede(n)/ ond(er) malcande(re)n seggen(de) en(de) leggen(de) alsoe de voirs(creven)/ scult deen op den ande(re)n mits rekeni(n)gen ende/ ande(re)n questien die zij tege(n) malcande(re)n uuytstaen(de)
//
hadden Es geappointeert dat de voirs(creven) jan en(de)/ gheert reken(en) souden en(de) v(er)lijcke(n) met malcande(re)n/ tusschen dit ende dijssendage naistcomen(de) ende/ de voirs(creven) sculde(n) vande(n) prochiaen ende kercke(n)/ voirs(creven) tussche(n) dan ende dijssendage d(air)nae volgen(de)/ te betalen(e) en(de) uuyt te reycken oft alsoe vele/ goede(n) bijden voirs(creven) ja(n)ne die de mania(n)cie d(air)af/ heeft v(er)cocht te wordden(e) en(de) maniere d(air)inne te/ vinden als dat die v(er)nueght en(de) betailt werdde/ Ende hadde(n) zij te weten(e) jan ende gheert/ enich gebreck tege(n) malcande(re)n dat zij dat sochte(n)/ met rechte In consilio opidi decembr(is) xii