It(em) jaspar adile t(er) eend(er) en(de) meest(er) joes ouderogge als/ procuroer ende inden name joes ende henr(ix) de/ witte gebruede(re)n he(n) p(re)tende(re)nde alleen te wesen [erfg(enamen)] nae/ den lantrechte van machtelde(n) wijlen switte(re) hue(r)/ zuste(r) t(er) ande(re) zijn come(n) voer scepen(en) van loven(e) h(ier)nae/ bescr(even) kynnen(de) en(de) lijden(de) dat zij met malcande(re)n/ bij toedoen en(de) ond(er)wijsen(en) van vrinde(n) ov(er)come(n) en(de)/ eenswordde(n) zijn als vand(en) successie vande(n) goede(n)/ gebleve(n) en(de) verstorve(n) nae en(de) bijd(er) doot der voirs(creven)/ wijlen machteld(en) soe wel vande(n) ghene(n) die d(er)selv(er)/ machteld(en) voe(r) hue(r) aendeel van hee(re)n ja(n)ne wijle(n)/ vande(n) panhuys prieste(r) bleve(n) wae(re)n bij testame(n)te
//
oft anderssins oick vanden ghene(n) die huer/ verstorve(n) wae(re)n van janne wijlen hue(re)n bruede(re)n/ als vanden ghenen die huer bij testamente/ katlijne(n) wijle(n) hue(r) suste(r) oft and(er)ssins gelaten/ wae(re)n oft toecome(n) in e(n)niger manie(re)n der pointe(n)/ ende voerweerde(n) h(ier) nae vercleert die zij/ malcande(re)n voe(r) he(n) hue(re)n erve ende nacomelinge(n)/ elck soe verre hem dat aencleeft gelooft hebbe(n)/ tond(er)houde(n) Ende inde(n) iersten dat d(er) voirs(creven)/ gebruede(re)n switte(n) ombelet vanden voirs(creven)/ jasp(ar)en oft zijne(n) erfgename(n) erffelijck blive(n) ende/ volge(n) sulle(n) alle der voirs(creven) machteld(en) huer(en) sust(er) erffelijck(en)/ goede(n) en(de) oick de have soe verre die met testamente/ d(er) selv(er) machtelde(n) elswaert niet gelaten en zijn/ hoedanich die zijn waer die belegen zijn oft/ bevonden sullen moegen werdden oft van wat/ zijde oft oick uuyt wat actie van testamente/ oft anderssins nae den lantrecht hue(r) die/ aencome(n) ende gebleve(n) moegen zijn sond(er) dat/ de selve jasp(ar) oft zijn erfgenamen dair toe/ e(n)nich recht oft actie sullen moegen p(re)tende(re)n/ te hebben in e(n)nig(er) manie(re)n opde selve goede alle en(de)/ yegewelke tot behoef d(er) voirs(creven) twee gebrued(er)s/ zijne(n) oems met volcome(n)d(er) renu(n)ciacie(n) halmelijck v(er)thijende/ Promitt(ens) sat(isfacere) prout mits eend(er) zekerd(er) so(m)me(n) van pe(n)ni(n)g(en)/ die hij bekindt d(air)af ontfange(n) te hebbe(n) vande(n) welke(n)/ hij de selve zijn oems en(de) alle ande(re) des quitan(cie) behoeven(de)/ volcomelijc quijtgescouwe(n) heeft en(de) mits dese(n) quijtgescelt/ behalve(n) he(m) zijne(n) gedeelte vande(n) erflijcke(n) goede(n)/ te rotselair oft elswair buyte(n) loeven(e) gelege(n) dat he(m)/ staen(de) inde stat va(n) wijle(n) paessche(n) switte(n) zijnd(er) moed(er)/ die zust(er) was d(er) voirs(creven) machtelde(n) en(de) oick d(er) voirs(creven)/ gebruede(re)n gebleve(n) is en(de) bij testame(n)te des voirs(creven) wijle(n)/ hee(re)n jans va(n)de(r) pa(n)huys gelate(n) om d(air) inne dese (con)cordie/ niet tege(n)staen(de) te blive(n) in alsulke(n) [recht(en)] soeme(n) dat tselve/ bevi(n)d(en) sal cor(am) scoenvorst donct decembr(is) xii