Want jan heyns als geleydt na des(er) stadt/ recht voir sijn wettich gebreck uut crachte van/ scepen(en) brieve(n) van loven(e) tot allen den goed(en)/ beyde have en(de) erve henricx wijlen va(n) rotselair/ soe wair die gelege(n) zijn hem met brieve(n) van/ des(er) stadt gescreve(n) aend(en) meye(r) van vilvoirde(n)/ oft zijne(n) stadhoude(r) tot ophem alle deselve goede/ heeft doen leve(re)n ende der weduwe(n) des voirs(creven)/ wijle(n) henricx dach van rechte doen besceyden/ te compare(re)n inde banck voir meye(r) en(de) scepen(en)/ van loven(e) oft zij huer dair tegen hadde wille(n)/ oppone(re)n ald(air) zij op heden als ten verstreken(en)/ dage niet gecompareert en es noch procur(eur) va(n)/ hue(re)n wegen hen dairtege(n) oppone(re)nde den/ voirs(creven) geleydde(n) altijt compare(re)nde en(de) trecht/ voirt versueken(de) Soe hebben scepen(en) van/ loven(e) t(er) manissen smeyers nae dat he(n) behoirlijck/ gebleken heeft bij rapporte thiebouts steenweghs/ des(er) stadt bode de voirs(creven) leveri(n)ge en(de)/ dach besceydinghe gesciet te zijne gewesen
//
voir een vonnesse wair de wederp(ar)tie des/ voirs(creven) geleydden niet en compareert voe(r)/ den opstaende smeyers ende der scepen(en) datme(n)/ den selven geleydden houden soude inde/ macht van zijne(n) beleyde scepen(en) brieve(n) en(de)/ leveri(n)gen alsoe verre alst noch voir scepen(en)/ come(n) es In scampno januarii xvi