Item valentijn baten woenen(de) te berchsem heeft/ genome(n) ende bekint genome(n) te hebben(e) teghen/ arnoldu(m) fabri als procur(eur) jouffr(ouwen) m(ar)griete(n) wittema(n)s/
//
weduwe joes wijle(n) absoloens thoff der zelv(er)/ weduwe(n) gelegen te berchsem bijd(en) kercken/ metten wynnen(de) lande(n) ende beempde(n) totten/ selve(n) hove behoiren(de) in ald(er) manie(re)n gelijc jan/ helscheviers dat tot h(ier)toe gehoude(n) heeft Te/ houden te hebben en(de) te wynne(n) van halfmerte/ lestlede(n) eene(n) t(er)mijn van ix jae(re)n lanck due(re)nde/ deen nae dand(er) zond(er) middel v(er)volgen(de) Elcx/ jairs dae(re)nbinne(n) te weten(e) dyerste jair vand(en)/ voirs(creven) t(er)mijne om en(de) voe(r) een half mudde rocx/ goet en(de) payabel met wa(n)ne en(de) vlogele wel/ bereyt ende van dan voirtaene te weten(e) va(n)d(en)/ acht jae(re) d(air) nae volgen(de) elcx jairs dae(re)nbinne(n)/ te weten(e) elc boend(er) lants soe v(er)re die mete(n)/ zulle(n) om en(de) voe(r) twintich molevate(n) rocx goet/ en(de) payabel met wa(n)ne ende vlogele wel bereyt/ pacht ende mate van loven(e) tsinte andries/ messe apostels te betalen(e) en(de) te loven(e) te leve(re)n/ der voirs(creven) weduwe(n) alle jae(re) den voirs(creven) t(er)mijn/ due(re)nde ende de voirs(creven) beempde te weten(e)/ elc boend(er) d(air)af soe v(er)re die mete(n) sulle(n) om en(de)/ voe(r) twee croenen te xxiiii stuv(er)s tstuck drie/ pl(a)c(ken) pro st(uver) Ende voirts op de voirwerde(n) en(de)/ condicien hier nae bescreve(n) Te weten(e) dat de/ voirs(creven) wynne gehoude(n) sal zijn de voirs(creven) lande/ jairlijcx den voirs(creven) t(er)mijn due(re)nde wel en(de) loffelijck/ te wynne(n) te werve(n) en(de) te mesten gelijc reengenoete(n)/ bove(n) ende benede(n) te weten(e) den wijnt(er)art met/ vier voren en(de) den som(er)art met drie voren/ It(em) dat de voirs(creven) wynne sal tzijne(n) afsceyden(en)/ besaeyt laten alsoe vele lande(n) als hij besaeyt/ bevonde(n) heeft tsijne(n) aencome(n) te weten(e) vier/ boende(re)n oft d(air)omtr(int) [vacat] ende de storte eens o(m)megedaen It(em) dat de/ voirs(creven) wynne jairlijcx den voirs(creven) t(er)mijn due(re)nde
//
leve(re)n sal int voirs(creven) hof twintich busselen walms/ om de huysinghe vand(en) voirs(creven) hove mede te decken(e)/ en(de) te r(e)p(ar)e(re)n It(em) sal de voirs(creven) wynne sculdich zijn/ de huysinghe vand(en) zelve(n) hove wel en(de) loffelijck/ tond(er)houde(n) vand(en) und(er)ster rijckele(n) ned(er)wert/ als die huyse gerepareert zijn zulle(n) en(de) alsmen/ ald(air) plect oft dect van dan voirtaene soe sal de/ selve wynne den wercluden den montcost geve(n)/ ende de voirs(creven) weduwe de dachue(re)n betalen/ It(em) sal de voirs(creven) wynne moege(n) struncke(n) strunchout/ wassen(de) opde termpte(n) vand(en) voirs(creven) land(en) en(de) beempde(n)/ It(em) oft ald(air) enige willeghen v(er)droeghde(n) oft ned(er)viele(n)/ die sal de voirs(creven) wynne moege(n) te hemw(er)ts nemen/ en(de) des sal hij gehoude(n) zijn voe(r) elke willege alsoe/ v(er)drooght oft ned(er)gevalle(n) twee jonge poten te setten/ Ende alle dese voirwerden condicien en(de) geluften (et)c(etera)/ cor(am) b(er)ghe nausnijde(re) januarii xviii