Acht(er)volgen(de) der t(er)minacien vand(er) stadt gegeve(n) junii xix/ lestleden tusschen claese de kersmake(re) ter eend(er) ende/ hee(re)n jacoppe vanden breyne prieste(r) inden name(n) m(ijn) vrouwe(n)/ der weduwe(n) he(re)n augustijns wilen vanden borchove(n) ridd(er)s/ ter ande(r) zijden sijn partien op hede(n) comen voe(r) den/ raide vand(er) stadt Aldair de voirs(creven) claes versocht voldaen/ te wordden de selve t(er)minacie ende dat m(ijn) vrouwe(n) soe/ vele dade aende sculd(er)s vand(en) boschpayen dat die pe(n)ni(n)gen/ gebracht wordde(n) nae uutwijsen(en) der zelv(er) t(er)minacien/ onder de wet oft opden wissel om te comen in betali(n)gen/ van zijne(n) pachte ende rinten ald(air) geruert ende al nae/ inhouden ende begrijp der selv(er) t(er)minacien Dair tegen/ de voirs(creven) h(er) jacop die met hem bracht eene(n) vand(en) ghenen/ die de boschpayen sculdich was antwerde dat de sculde(r)/ dair was ende woude tegen de betali(n)ge der zelver/ bospayen seggen ende alsoe hoepte hij inden name van/ m(ijn) vrouwen der t(er)minacien in dien genoech te zijne de sculde(r)/ vand(en) bospayen ald(air) wesen(de) alligeerde hoe enige wae(re)n nu/ bijder hant niet wesende die met hem gedeylt hadde(n) inden/ coop vand(en) bossche ende alsoe en conste hij gheen volle/ betali(n)ge gedoen met meer woirden in alle(n) zijden geallig(er)t/ Es bijder stadt geappointeert dat m(ijn) vrouwe soe vele doen/ zal moeten dat de bospaye bracht wordde navolgen(de) der/ voir t(er)minacien onder de wet oft opden wissel om dair te/ blive(n) navolgen(de) der selv(en) voir t(er)minacien oft dat m(ijn) vrouwe/ gehouden sal zijn te dier meyni(n)gen soe vele pe(n)ni(n)gen ald(air)/ te bringen ende te setten en(de) in gebreke van dien dat de
//
voirs(creven) claes met execucien vand(en) voirs(creven) t(er)minacien ov(er) der/ zelv(en) m(ijn) vrouwen oft hue(r) goede om dairtoe te come(n) dat/ sal moege(n) vervolgen Ende om dat te doene heeft de/ voirs(creven) claes bij bidde(n) ende ond(er)wijse vand(er) stadt ende bij/ ae(n)nemen vand(en) wed(er)partien eene(n) dach geconsenteert van/ drie weken tijts In consilio opidi julii xxix