Opde questie te meer stonde(n) geport voe(r) den raide/ vand(er) stadt tussche(n) meeste(re)n ja(n)ne basin t(er) eenre en(de)/ willem(me) de wale zijne(n) zwag(er) t(er) ande(re) om zeke(re)/ pe(n)ningen die deselve meest(er) jan den selve(n) zijne(n)/ zwager geleent heeft om in zijne(n) affairen uut/ te geve(n) gedragen(de) t(er) so(m)men van tweehondert/ thien rinssche gulden(en) d(air)af p(ar)tien differeerde(n)/ inden prijse en(de) valeure hoe deselve willem/ hem die restitue(re)n soude want hij meynt te/ gestaene met licht(er) mu(n)ten en(de) de voirs(creven) zijn/ zwager meynde te hebben mu(n)te nu cours hebben(de)/ te voirde(r) want de selve zijn zwager die/ bestaet hadde ende dairmede gedaen alsoe/ vele als met zwaird(er) mu(n)ten ende nae dien/ de voirs(creven) willem tande(re)n tijden op zijne(n) thoen/ gesedt es geweest nae recht te thoene(n) zeke(re)/ sijn v(er)meten in desen D(air)mede hij meynde/ te gestaene met licht(er) mu(n)ten loop hebben(de) soe/ die stont ten tijde vand(en) leeni(n)gen ende hij/ nu totten selve(n) zijnen dage van thoene/ hem alleene behulpe(n) woude met arnde/ scrijne zond(er) te hebben soe hij seyde voirde(re)n
//
thoen hoe wel hij hem gelijc voe(r) van ande(re)n/ thoene vermeten hadde soe dat hij nae recht/ in desen vande(n) geheele(n) zijne(n) voirnemen(en) soude/ hebben gesneeft ende versocht oick deselve wille(m)/ dat hem cortte(n) soude aen de so(m)me tgene des/ van scep oft vrachtgelde uut sake(n) van desen/ te gelde(n) was ende oick zesse rinsgulden(en) die/ arnt scrijne voirs(creven) den selve(n) meest(er) ja(n)ne in/ pe(n)ni(n)gen gegeve(n) hadde Soe r(e)pliceerde d(air)op/ deselve meest(er) jan dat hij meechtich genoech/ was arnde scrijne te betale(n) des hij hem sculdich/ mocht zijn en(de) insgelijcx tgene dair inne hij/ gehoude(n) mocht sijn van scep oft vrachtgelde/ voirs(creven) Es dmynlijck appointement middeli(n)ge/ en(de) uutsprake vand(en) raide vand(er) stadt nae/ dien dats hen de voirs(creven) p(ar)tien in wed(er)zijde(n)/ gekeert en(de) gesubmitteert hebbe(n) in tgene des/ den selve(n) raidt hier af mynlijck middele(n)/ appointe(re)n en(de) uutspreke(n) soude dat de selve/ wille(m) gehoude(n) soude sijn den selve(n) meest(er)/ ja(n)ne deen hellicht vand(en) voirs(creven) geheelder/ so(m)me te weten(e) de hondert en(de) vijf rinsguld(en)/ uut te reycke(n) en(de) te betalen in licht(er) mu(n)ten/ soe die cours hadde ten tijde vand(en) leeni(n)gen/ en(de) dand(er) hellicht van oick hondert en(de)/ vijf rinsgulden(en) in zwaird(er) mu(n)ten soe die/ nu cours heeft en(de) aengaen(de) den voirs(creven) zesse/ rinsgulden(en) en(de) der vracht oft scepgelde/ dairaf sal meest(er) jan doen dat hij sculdich/ es te doene en(de) willem(me) ontlasten In cons(ili)[o]/ opidi aprilis xvi