Vand(en) questien gepoirt voe(r) den raide vand(er) stadt/ tussche(n) jouffr(ouwe) m(ar)griete wittema(n)s weduwe/ joes wijle(n) absoloens t(er) eenre en(de) claese de kersmake(re)/ als man en(de) momboir jouffr(ouwen) g(er)truyden wittema(n)s/ zijns wijfs zust(er) der voirs(creven) jouffr(ouwen) m(ar)gr(ieten) t(er) ande(r)/ zijden om der deylingen wille vand(en) chijsen
//
ende eygen(en) erfgoede(n) rinten en(de) pachte(n) gebleve(n)/ nae de doot henr(icx) wijle(n) wittema(n)s der voirs(creven)/ gesuste(re)n vader en(de) dair uut jouff(rouwe) beatrijs/ wijlen van oppe(n)dorp weduwe desselfs henricx/ nae hem als tocht(er)sse gestorve(n) was Dairaff/ de voirs(creven) weduwe absoloens begeerde een eynde/ te hebben(e) en(de) d(air)mede voirt te vae(re)n versuecken(de)/ dat claes voirs(creven) huer zwag(er) ond(er)wese(n) wordde/ guetlijck oft met rechte bedwonge(n) dat hij/ dairaff zijne(n) behoirlijck(en) kuese dade opdat/ dan de behoirlike v(er)thidi(n)ghe dairaf geschien/ mochte alsoe dat eenyegelijc tzijne dairaff/ weten mochte ende hem metten zijne(n) behulpe(n)/ hopen(de) dat dat alsoe sculdich wae(r) te gescied(en)/ te voirde(r) want dair toe navolgen(de) zeke(re) voir/ t(er)minacien vand(er) stadt alle bereetscape gemaict/ en(de) ov(er)gegeve(n) wa(r)en in hande(n) vande(n) selven/ claese vand(en) setti(n)gen die zij als de jongste/ sust(er) hem d(air)af mette(n) co(m)me(r) d(air)op staen(de) in gescrifte/ ov(er)gegeve(n) hadde Dair tege(n) deselve claes/ alt(ri)ce(re)nde seyde dat hij niet sculdich en wae(r)/ enige(n) kuese oft v(er)thidi(n)ge te doene die naemaels/ soud(en) moege(n) wordde(n) geinvalideert en(de) te v(er)gheefs/ gedaen ende want dan zijn voirs(creven) zweg(er)/ mair tocht(er)sse en was naeden lantrechte van/ desen goede(n) gemerct dat de voirs(creven) wijlen/ henr(ic) wittemans aflivich wordde(n) was/ ten tijde als de voirs(creven) jouffr(ouwe) m(ar)griete met/ wijle(n) joese hue(re)n man noch sate(n) in volle(n)/ stoele van huwelike soe dat doen de/ voirs(creven) wijle(n) jouffr(ouwe) beatrijs weduwe desselfs/ henr(icx) tocht(er)sse dairaf bleef ende als de voirs(creven)/ joes aflivich wordde(n) was voir d(er)selv(er) jouffr(ouwen)/ beatrice(n) soe werdt doen de voirs(creven) jouffr(ouwe)/ m(ar)griete die in huers mans leven(en) een erfwijf/ hadde geweest en(de) wettich oir vand(en) selve(n) joese
//
hue(re)n man behielt oick een v(er)beiden(de) tocht(er)sse en(de)/ deselve hue(r) kinde(re) erfliede(n) vande(n) selve(n) goed(en)/ Soe sustineerde hij dat zij zond(er) hue(r) kinde(re)/ d(air)op derflicheyt van desen ruste egheenss(ins)/ geauctoriseert en was noch macht en hadde/ settinge te doen(e) kuese taenveerden oft tott(er)/ verthienisse(n) te verstaene Ende alsoe opdat/ hij sijn dingen niet te vergheefs doen en/ soude soe v(er)socht hij dat zij voir al hue(r)/ kinde(re) en(de) die d(air)aen cleven bijd(en) hant brachte/ oft ten mi(n)sten goede caucie en(de) borchtocht te/ stelle(n) den rechte genoech zijnde die hen dair/ voe(r) inne stonde(n) dat deselve hue(r) kinde(re) en(de)/ momboe(re)n der zelv(er) approbe(re)n soude(n) de selve/ setti(n)ge en(de) deylinghe in desen bij huer ov(er)gegeve(n)/ insgelijcx den kuese die hij dairop als mo(m)boir/ sijns wijfs wettelijck soude doen en(de) dae(re)nbove(n)/ dien acht(er)volgen(de) met huer(en) moed(er) voirs(creven) tott(er)/ v(er)thienissen quame soe dat behoorde Hopen(de) dat/ hem deen oft dande(r) van dien ten mi(n)sten gescien/ soude hem des gedragen(de) totten rechten Dair/ tege(n) de weduwe absoloens replice(re)nde meynde/ dat zij als erfwijf der zelv(er) goeden mechtich/ was en(de) dat niet sculdich en wa(r)en twee tocht(er)s/ van eene(n) goede te zijne met meer woirden/ ende reden(en) hinc inde gealligeert Es uutge/ sproken bijden raide vand(er) stadt p(ar)tien int/ langhe gehoort dat de voirs(creven) weduwe abs(oloens)/ dair voe(r) inne staen soude en(de) dair toe goede/ caucie en(de) borchtocht stelle(n) dat de voirs(creven) hue(r)/ kinde(re) ende mo(m)boe(re)n der zelv(er) approbe(re)n sulle(n)/ en(de) van weerde(n) houde(n) de settinge bijd(en) zelv(er)/ weduwe(n) vande(n) goede(n) en(de) rinte(n) voirs(creven) gesciet/ en(de) oick den kuese die de selve claes als
//
momboir sijns wijfs d(air)op sal wille(n) doen/ ende dat d(air)op de selve claes met zijne(n) kuese/ te doen(e) inde(n) name als voe(r) t(er)stont voirt/ vae(re)n sal op dat elc wete(n) moege welc tzijne/ es ende dat elc tzijne alsoe t(er)stont moege/ gaen rege(re)n en(de) dae(re)nbove(n) dat zij en(de) de selve/ caucie en(de) borchtocht die zij alsoe d(air)voe(r) stelle(n)/ sal d(air)voe(r) v(er)antweerde(n) sulle(n) en(de) spreke(n) dat/ opde(n) kuese die de selve claes uut(er) selv(er) setti(n)ge(n)/ v(er)thienisse gescien sal nae recht bijd(en) zelv(er)/ weduwe(n) met jacoppe van brecht ende/ jouffr(ouwe) beatrus absoloens zijne(n) wive nu/ absent zijnde ten lancxste(n) tussche(n) dit en(de)/ ts(in)t jansmesse naistcome(n)de ende bij joese/ absoloens hue(re)n sone met zijne(n) momboirs/ ten lancxsten bynne(n) eene(n) jae(r) dair nae In/ cons(ili)[o] opidi p(rese)ntibus lyefkenrode buets(el)[e]/ burg(imagistr)[is] absoloens hove scab(in)is et plu(r)ibus/ aliis tam scabinis q(uam) consiliariis aprilis xxi