SAL7383, Akte: R°41.2-V°42.1 (63 van 716)
Akte R°41.2-V°42.1
Act
Datum: 1489-08-18
Transcriptie
2020-02-04 door Walter De SmetCondt zij allen liede(n) dat jan bastijns ende lijsbeth huens zijn/
huysvrouwe in p(rese)ntia hebbe(n) genome(n) ende bekint dat zij genome(n)/
hebbe(n) van arnde vander borch sone jans wile(n) vand(er) borch thoff/
desselfs arnts geheete(n) thof t(er) elst gelege(n) inde p(ro)chie va(n) thieldonck/
met alle(n) den wynnen(de) landen bossche(n) ende eeussele(n) d(air)toe behoiren(de)/
ende alle(n) ande(re)n zijne(n) toebehoirte(n) gelijc ende ind(er) manie(re)n arnt/
van breetzijp hier voirmaels dat gehoude(n) heeft Te houde(n) te/
hebbe(n) ende te wynne(n) van half mey lestlede(n) eene(n) t(er)mijn va(n)/
tweelf jae(re)n lanck due(re)nde deen nae dand(er) zond(er) middel volgen(de)/
Elcx jairs dae(re)nbinne(n) te weten(e) de wynnen(de) lande om en(de) voe(r)/
vijftich mudde(n) rocx goets ende payabels wel bereyt met wa(n)ne/
ende vlogelen pacht ende mate(n) van loven(e) tsint andriesmisse/
apostels te betalen(e) ende int voirs(creven) hof te leve(re)n ende de/
voirs(creven) beempde ende eeussele om ende voe(r) vive(n)twintich rinsgul(den)/
te twintich stuv(er)s tstuck tsinte m(er)tensmesse te betalen(e) den/
voirs(creven) arnde vand(er) borch alle jae(re) den voirs(creven) t(er)mijn due(re)nde/
quol(ibe)t ass(ecutu)[m] Ende voirts opte vorweerde(n) ende condicien nae/
bescreve(n) Te weten(e) yerst dat de voirs(creven) wynne(n) den voirs(creven)/
arnde jairlijcx den voirs(creven) t(er)mijn due(re)nde leve(re)n zulle(n) int voirs(creven)/
hof acht mandele(n) rogge(n) stroes ende acht mandele(n) zom(er)stroes/
die de selve arnt ald(air) met zijne(n) beesten slijten en(de) te meste/
bekee(re)n zal ende tsestich bussele(n) walms om de huysi(n)gen/
vande(n) voirs(creven) hove alsoe wel de gene die de voirs(creven) arnt behult/
ende bewoent alse die tot den voirs(creven) hove diene(n) mede te/
decken(e) ende alsmen ald(air) dect oft plect soe sele(n) de selve/
wy(n)nen den wercliede(n) den montcost geve(n) ende leve(re)n theene/
en(de) dackroeyen dair toe behoiren(de) ende arnt zal de dachue(re)n/
betale(n) It(em) zulle(n) de voirs(creven) wynne(n) den voirs(creven) arnde jairlijcx/
binne(n) den voirs(creven) t(er)mijne met hue(re)n wagen(en) ende peerden/
zesse dagen corweyden op hue(re)n cost It(em) oft arnt enige/
/
corweyde(n) vande(n) voirs(creven) zesse corweyde(n) name die niet voirde(r)/
en wae(re)n dan van dair te loven(e) te varen oft alsoe verre soe/
zoude(n) hem de voirs(creven) wynne(n) voir elke der voirs(creven) zesse corweyde(n)/
doen twee corweyde(n) te loven(e) oft elders alsoe verre dair hem/
dat belieft ende hem d(air)toe halen ende int voirs(creven) hof leve(re)n/
allet berhout dat hij voir zijn huysgesin behoeft Voirt zulle(n)/
de voirs(creven) wynne(n) oic gehoude(n) zijn te halen ende int voirs(creven) hof/
te bringen allet ty(m)merhout datmen aende huysinge van beyde(n)/
woeni(n)gen besigen zal ende des zulle(n) zij hebben de spaende(re) d(air)af/
comen(de) It(em) zulle(n) de voirs(creven) wynne(n) jairlijcx den voirs(creven) t(er)mijn/
due(re)nde een boend(er) lants vanden landen voirs(creven) dairs meest te doen/
zal zijn wel ende loffelijck ov(er)m(er)gele(n) vanden selve(n) jae(r) gesteke(n)/
allessins tot hue(re)n laste It(em) zal de voirs(creven) arnt jairlijcx hebbe(n)/
ende behouden dooft vanden groote(n) boog(ar)de ald(air) mair de/
repelinge(n) van dien zonder den wintslach zulle(n) den voirs(creven)/
wynne(n) volgen Ende soe wa(n)neer dooft ald(air) wel geraect/
wese(n) zal zoe en zulle(n) de selve(n) wynne(n) de weye vanden/
zelven boogarde niet moege(n) etten met enige(n) hoirneveede/
It(em) de voirs(creven) arnt sal jairlijcx behoude(n) den waermoeshof/
aende messie ende dien uut(er) selv(er) messien moege(n) mesten/
ende oic dooft dair inne wassen(de) It(em) zulle(n) de voirs(creven)/
winne(n) moege(n) struncken tstrunchout dat opte termpten/
vanden voirs(creven) wynnen(de) lande(n) steet ende niet voirde(r) bij alsoe/
dat zij dat legge(n) ende houwe(n) zele(n) in zesse laghe(n) en(de) ten/
behoorliken tijden alle jae(re) eene(n) houw mair ten leste(n) jae(r)
van hue(re)n t(er)mijne en zulle(n) zij egheene(n) moege(n) houwen/
Ende de voirs(creven) wynne(n) en zulle(n) egheen eycken hout/
noch willege(n) moege(n) struncke(n) dan voirt uutbreken/
ende zij zulle(n) jairlijcx moege(n) weyde(n) met hue(re)n beeste(n)/
die weyde inde voirs(creven) bossche(n) des voirs(creven) arnts aldair/
bij alsoe dat zij inde spruyte(n) vande(n) yersten jae(r)/
gheen hore(n)vee en zulle(n) moege(n) doen noch laten doen/
It(em) zal de voirs(creven) arnt den voirs(creven) wynne(n) jairlijcx geve(n)/
drie elle(n) wullens lakens tot eene(n) tabbarde d(air)op de/
selve wynne(n) gehouden zal zijn te setten de divise desselfs/
arnts It(em) en zulle(n) de voirs(creven) wynne(n) egheen vanden/
voirs(creven) landen moege(n) verhue(re)n om te grave(n) noch selve/
doen graven noch gheen van dien moege(n) hoervruchte
//
dan alleene den hoeck vande(n) groote(n) bloke acht(er) thofeeusel/ te weten(e) tot aenden wech gaende vanden voirs(creven) hove te thieldonck/ weert It(em) zulle(n) de voirs(creven) wynne(n) hebbe(n) den cleyne(n) boeg(ar)t tot hue(re)n v(er)doene/ It(em) zulle(n) de wynne(n) jairlijcx allet stroo vanden voirs(creven) lande jairlijcx/ comen(de) bonen stroo ende den walm voirs(creven) int voirs(creven) hof bringe(n) ende/ met hue(re)n beesten slijten ende te meste bekee(re)n ende dat en(de) oick/ dmest van allen den ande(re)n stroo dat hij int selve hof bringe(n) mochte/ vue(re)n opde voirs(creven) lande alsoe wel opde verste als opde naeste ende/ die selve landen wynne(n) ende werve(n) gelijc reengenoeten bove(n) ende/ beneden ende die laten thue(re)n afsceyden(en) te weten(e) den wint(er)aert/ met rogge besaeyt op vier getidege voe(re)n ende inde(n) someraert de/ g(er)ste op drie getidege voren besaeyt de even(en) op twee voren ende/ de brake eens o(m)me gedaen Ende de selve landen eeussele(n) en(de) bossche(n)/ leve(re)n tot hue(re)n afsceyden wel ende loffelijck v(er)maect beheymt en(de)/ ongeedt ende de grachten ov(er)al jairlijcx grave(n) gelijc de wynne/ vand(er) banck ald(air) ende ande(re) dair omtrint doen zullen behoudelijc/ dat zij den lueck ende beheymsel hier toe jairlijcx behoeven(de) zulle(n)/ moege(n) houwen opde voirs(creven) goede t(er) minster scaden dair arnt hen/ dat wijsen zal ende anders niet ende die jairlijcx alsoe houden/ staen(de) ten behoirlijcken tijden Oick zulle(n) de wynne(n) jairlijcx/ moege(n) houwen desgelijcx heur heytsel dat zij behoeve(n) zullen/ mede te backen en(de) te beheymen bij alsoe dat zij den voirs(creven)/ arnde mede zulle(n) doen maken ende leve(re)n alsoe vele heytsels/ als hij ald(air) behoeve(n) zal Ende en zulle(n) de voirs(creven) wynne(n) gheen/ heytsel moege(n) houwen buyte(n) tijts dan inde weye noch oick/ egheen tegen de brake ende zulle(n) oic jairlijcx gehoude(n) zijn/ te vue(re)n eene(n) sack corens van int hof voirs(creven) tot mechelen/ dien arnt hem int hof leve(re)n zal Ende zij zulle(n) moege(n) houwe(n)/ alle v(er)droeghde willigen ende voir elke wed(er)om moete(n) setten/ twee leeven(de) poten Es oic voirweerde dat de voirs(creven) wynne(n)/ egheenssins en zulle(n) moege(n) uutvue(re)n met wagen(en) en(de) peerde(n)/ in tijden als dat den landen oft vruchte(n) hynd(er) soude(n) moege(n)/ dragen oft arnt vand(er) borch zijn corweyden mocht bege(re)n/ Ter ande(r) zijde(n) en zal arnt gheen corweyden moege(n) bege(re)n/ in tijde vande(n) oegste oft vanden saeyen(en) It(em) de voirs(creven)/ wynne(n) zulle(n) de voirs(creven) huysinge vanden voirs(creven) hove houde(n)/ vand(er) underster rijckelen ned(er)weert totter platen toe van/ latten wanden ende plecquaigien op hue(re)n cost It(em) zulle(n)
//
de voirs(creven) wynne(n) tallen tijden alse arnt des behoeve(n) zall desselfs/ arnts coren ter moelen vue(re)n ende gemalen zijnde wed(er)om thuys/ vue(re)n It(em) es bevorwert dat de voirs(creven) wynne(n) gehoude(n) zulle(n) zijn te/ houden(e) ende te vueden(e) int voirs(creven) hof vijftich scapen mair dies/ sal hij moege(n) verdrage(n) zijn de selve te houde(n) oft inne(n) te sette(n)/ de yerste twee jae(re)n Ende de wynne(n) zulle(n) hebbe(n) geheel dooft/ inden groote(n) bosch wassen(de) ende van eene(n) perelee(r) acht(er) de schue(r)/ It(em) es vorweerde dat de voirs(creven) wynne(n) sculdich zulle(n) zijn te saeyen(e)/ tot behoef des voirs(creven) arnts jairlijcx drie molevate(n) lijsaets en(de) de/ landen dair toe wel ende loffelijck wynne(n) ende werve(n) gelijc den/ hue(re)n ende des zal arnt den saet leve(re)n Ende soe wa(n)neer dien/ uutgetogen zal sijn gelieft dan den wynne(n) raepcruyt d(air)op te/ wynne(n) dat zulle(n) zij moege(n) doen ende d(air)af zal arnt gelijc hen/ tgeniet hebbe(n) It(em) zulle(n) de voirs(creven) winne(n) gehoude(n) zijn jairlijcx/ te ruyme(n) ende te veegen alle beken wat(er)leyden en(de) zijwegen/ omtrint den voirs(creven) goeden liggen(de) wel ende loffelijck alsoe dat/ arnt oft zijn goede dair bij niet belast en worden oft bescadicht/ It(em) sal de voirs(creven) arnt moege(n) laten gaen inden mesthof vand(en)/ voirs(creven) hove ende dair omtrint xviii oft xx hoende(re) ond(er) capuyne(n)/ hanen ende he(n)nen zond(er) dat dair tegen de voirs(creven) wynnen/ zulle(n) moege(n) seggen It(em) zulle(n) de voirs(creven) wynne(n) gehoude(n) zijn te/ late(n) gaene int hof twee verken(en) des voirs(creven) arnts mette(n) verken(en)/ der voirs(creven) wynne(n) It(em) de selve wynne(n) en zulle(n) tvoirs(creven) hof/ niet moegen uutgeven zond(er) arnts consent It(em) en zulle(n)/ oic de wynne(n) gheen thuyne(n) moege(n) afbreken vande(n) selve(n)/ jae(r) gesedt mair zulle(n) die sculdich zijn te v(er)doirne(n) ende oft/ zij hen beduchte(n) dat die afgebroken ende genome(n) soude(n) moege(n)/ wordden zoe zulle(n) zij die moege(n) afbreken ende de staken/ hersteken oft doen hersteken ten naesten jae(r) It(em) de wynnen/ zulle(n) sculdich zijn de haghen ende breemen uuyten eeussel/ te ruymen It(em) en zulle(n) de wynne(n) oic gheen ande(r) landen/ moege(n) vorde(re)n te wynnen oft oic ande(r) vruchten inne doen/ voe(r) de vruchten vande(n) voirs(creven) hove It(em) de wynne(n) voirs(creven)/ zulle(n) gehoude(n) zijn jairlijcx arnde te wissele(n) twee mudde(n)/ tarwen voir twee mudde(n) rocx It(em) es noch vorwerde dat/ de voirs(creven) pachten zulle(n) zijn de drie yerste jae(re)n hellicht/ wy(n)ni(n)ge Ende alle dese vorweerden ende geluften (et)c(etera)/ cor(am) h(er)meys thenis augusti xviii Sen(tentiatum) p(er) arnold(um) va(n)d(er) borch/ cor(am) hoeve(n) vynck junii viii a(nn)[o] xci Et est add(uc)tus ad mo(bili)[a] et i(m)mo(bili)[a] om(n)i(a)/ cor(am) eisd(em)
//
dan alleene den hoeck vande(n) groote(n) bloke acht(er) thofeeusel/ te weten(e) tot aenden wech gaende vanden voirs(creven) hove te thieldonck/ weert It(em) zulle(n) de voirs(creven) wynne(n) hebbe(n) den cleyne(n) boeg(ar)t tot hue(re)n v(er)doene/ It(em) zulle(n) de wynne(n) jairlijcx allet stroo vanden voirs(creven) lande jairlijcx/ comen(de) bonen stroo ende den walm voirs(creven) int voirs(creven) hof bringe(n) ende/ met hue(re)n beesten slijten ende te meste bekee(re)n ende dat en(de) oick/ dmest van allen den ande(re)n stroo dat hij int selve hof bringe(n) mochte/ vue(re)n opde voirs(creven) lande alsoe wel opde verste als opde naeste ende/ die selve landen wynne(n) ende werve(n) gelijc reengenoeten bove(n) ende/ beneden ende die laten thue(re)n afsceyden(en) te weten(e) den wint(er)aert/ met rogge besaeyt op vier getidege voe(re)n ende inde(n) someraert de/ g(er)ste op drie getidege voren besaeyt de even(en) op twee voren ende/ de brake eens o(m)me gedaen Ende de selve landen eeussele(n) en(de) bossche(n)/ leve(re)n tot hue(re)n afsceyden wel ende loffelijck v(er)maect beheymt en(de)/ ongeedt ende de grachten ov(er)al jairlijcx grave(n) gelijc de wynne/ vand(er) banck ald(air) ende ande(re) dair omtrint doen zullen behoudelijc/ dat zij den lueck ende beheymsel hier toe jairlijcx behoeven(de) zulle(n)/ moege(n) houwen opde voirs(creven) goede t(er) minster scaden dair arnt hen/ dat wijsen zal ende anders niet ende die jairlijcx alsoe houden/ staen(de) ten behoirlijcken tijden Oick zulle(n) de wynne(n) jairlijcx/ moege(n) houwen desgelijcx heur heytsel dat zij behoeve(n) zullen/ mede te backen en(de) te beheymen bij alsoe dat zij den voirs(creven)/ arnde mede zulle(n) doen maken ende leve(re)n alsoe vele heytsels/ als hij ald(air) behoeve(n) zal Ende en zulle(n) de voirs(creven) wynne(n) gheen/ heytsel moege(n) houwen buyte(n) tijts dan inde weye noch oick/ egheen tegen de brake ende zulle(n) oic jairlijcx gehoude(n) zijn/ te vue(re)n eene(n) sack corens van int hof voirs(creven) tot mechelen/ dien arnt hem int hof leve(re)n zal Ende zij zulle(n) moege(n) houwe(n)/ alle v(er)droeghde willigen ende voir elke wed(er)om moete(n) setten/ twee leeven(de) poten Es oic voirweerde dat de voirs(creven) wynne(n)/ egheenssins en zulle(n) moege(n) uutvue(re)n met wagen(en) en(de) peerde(n)/ in tijden als dat den landen oft vruchte(n) hynd(er) soude(n) moege(n)/ dragen oft arnt vand(er) borch zijn corweyden mocht bege(re)n/ Ter ande(r) zijde(n) en zal arnt gheen corweyden moege(n) bege(re)n/ in tijde vande(n) oegste oft vanden saeyen(en) It(em) de voirs(creven)/ wynne(n) zulle(n) de voirs(creven) huysinge vanden voirs(creven) hove houde(n)/ vand(er) underster rijckelen ned(er)weert totter platen toe van/ latten wanden ende plecquaigien op hue(re)n cost It(em) zulle(n)
//
de voirs(creven) wynne(n) tallen tijden alse arnt des behoeve(n) zall desselfs/ arnts coren ter moelen vue(re)n ende gemalen zijnde wed(er)om thuys/ vue(re)n It(em) es bevorwert dat de voirs(creven) wynne(n) gehoude(n) zulle(n) zijn te/ houden(e) ende te vueden(e) int voirs(creven) hof vijftich scapen mair dies/ sal hij moege(n) verdrage(n) zijn de selve te houde(n) oft inne(n) te sette(n)/ de yerste twee jae(re)n Ende de wynne(n) zulle(n) hebbe(n) geheel dooft/ inden groote(n) bosch wassen(de) ende van eene(n) perelee(r) acht(er) de schue(r)/ It(em) es vorweerde dat de voirs(creven) wynne(n) sculdich zulle(n) zijn te saeyen(e)/ tot behoef des voirs(creven) arnts jairlijcx drie molevate(n) lijsaets en(de) de/ landen dair toe wel ende loffelijck wynne(n) ende werve(n) gelijc den/ hue(re)n ende des zal arnt den saet leve(re)n Ende soe wa(n)neer dien/ uutgetogen zal sijn gelieft dan den wynne(n) raepcruyt d(air)op te/ wynne(n) dat zulle(n) zij moege(n) doen ende d(air)af zal arnt gelijc hen/ tgeniet hebbe(n) It(em) zulle(n) de voirs(creven) winne(n) gehoude(n) zijn jairlijcx/ te ruyme(n) ende te veegen alle beken wat(er)leyden en(de) zijwegen/ omtrint den voirs(creven) goeden liggen(de) wel ende loffelijck alsoe dat/ arnt oft zijn goede dair bij niet belast en worden oft bescadicht/ It(em) sal de voirs(creven) arnt moege(n) laten gaen inden mesthof vand(en)/ voirs(creven) hove ende dair omtrint xviii oft xx hoende(re) ond(er) capuyne(n)/ hanen ende he(n)nen zond(er) dat dair tegen de voirs(creven) wynnen/ zulle(n) moege(n) seggen It(em) zulle(n) de voirs(creven) wynne(n) gehoude(n) zijn te/ late(n) gaene int hof twee verken(en) des voirs(creven) arnts mette(n) verken(en)/ der voirs(creven) wynne(n) It(em) de selve wynne(n) en zulle(n) tvoirs(creven) hof/ niet moegen uutgeven zond(er) arnts consent It(em) en zulle(n)/ oic de wynne(n) gheen thuyne(n) moege(n) afbreken vande(n) selve(n)/ jae(r) gesedt mair zulle(n) die sculdich zijn te v(er)doirne(n) ende oft/ zij hen beduchte(n) dat die afgebroken ende genome(n) soude(n) moege(n)/ wordden zoe zulle(n) zij die moege(n) afbreken ende de staken/ hersteken oft doen hersteken ten naesten jae(r) It(em) de wynnen/ zulle(n) sculdich zijn de haghen ende breemen uuyten eeussel/ te ruymen It(em) en zulle(n) de wynne(n) oic gheen ande(r) landen/ moege(n) vorde(re)n te wynnen oft oic ande(r) vruchten inne doen/ voe(r) de vruchten vande(n) voirs(creven) hove It(em) de wynne(n) voirs(creven)/ zulle(n) gehoude(n) zijn jairlijcx arnde te wissele(n) twee mudde(n)/ tarwen voir twee mudde(n) rocx It(em) es noch vorwerde dat/ de voirs(creven) pachten zulle(n) zijn de drie yerste jae(re)n hellicht/ wy(n)ni(n)ge Ende alle dese vorweerden ende geluften (et)c(etera)/ cor(am) h(er)meys thenis augusti xviii Sen(tentiatum) p(er) arnold(um) va(n)d(er) borch/ cor(am) hoeve(n) vynck junii viii a(nn)[o] xci Et est add(uc)tus ad mo(bili)[a] et i(m)mo(bili)[a] om(n)i(a)/ cor(am) eisd(em)
Nagekeken door: Jan Boncquet
Moderator: Jan Boncquet
Laatste update:: 2017-01-10 door Xavier Delacourt