SAL7383, Akte: R°430.2-V°430.1 (645 van 716)
Akte R°430.2-V°430.1
Act
Datum: 1490-05-28
Transcriptie
2023-01-05 door Walter De SmetAldair bijden raide vand(er) stadt jan wout(er)s creme(r) bijde(n)/
zwaene inde hoelstrate ontboden hadde bertelen boene/
als man ende momboir agneesen raeymakers sijns wijfs/
wettige suster jans wilen raeymakers al(ia)s inden zwaene/
om verdragen te zijne vand(en) hueri(n)gen die hij sijn/
leefdage gedaen hadde tegen den selven wilen janne/
ende oic arnde hanckart die tselve huys met meer/
ande(re)n toebehoiren(de) totte(n) zwaene doen t(er) tijt toe/
behoirde tsjaers om vijff pet(er)s te voirde(r) want hij/
bij zijnd(er) eedt ten heylige(n) te houde(n) dat mits zeke(re)n/
gebreke(n) die de voirs(creven) wilen jan raeymake(re) ende/
hij tsamen underli(n)ge hadde(n) gehadt hem der zelver/
hueri(n)gen hadde verdragen ende dairaff quite gescouwe(n)/
Ende de selve bertelen boene hem dairtegen verantwerden(de)/
hoepte ende meynde want de selve huerlinck selve/
bekinde ende alligeerde de hueri(n)ge vanden voirs(creven) huyse/
sijn leefdaghe lanck gedaen te hebben jairlijcx om vijf/
pet(er)s tegen den voirs(creven) wilen janne de raymake(re) zijne(n)/
zwag(er) Dairaff sijn werdi(n)ne voirs(creven) de naisteleven(de)/
eenige oir ende erfgename was nae de doot van/
hue(re)n voirs(creven) brueder die inden lancxste(n) leven(de) was/
bleve(n) van hem ende zijnen wive ende dat alsoe/
de actie van dier hueri(n)gen op hem als mo(m)boir voirs(creven)/
gelijck den ande(re)n goede(n) desselfs wilen jans
//
dat de selve huerlinck gehoude(n) soude sijn sijn leefdage/ lanck de hueri(n)ge tacht(er)volgen ende te voldoene ende/ dat hij hem selven met zijnd(er) eedt nae de kennesse/ die hij dairaf dede niet purge(re)n noch ontslaen en/ soude noch oic co(n)nen hem selve(n) aengezwo(re)n dat de/ voirs(creven) wilen jan in zijne(n) leven(en) hem die verdragen/ hadde hem des gedragen(de) totten rechte ende van div(er)se/ gebreke(n) die de huerlinc alligeerde van r(e)paracien aen/ tselve huys D(air)aff p(rese)nteerde hij die alsoe te doen r(e)pare(re)n/ ende onderhouden dat de huerlinc bellicx gheen reden(en)/ en soude hebbe(n) hem des te becroene(n) Es get(er)mineert/ ende uutgesproke(n) dat de voirs(creven) huerlinc gehouden/ soude sijn acht(er)volgen(de) zijnd(er) hueri(n)gen tselve huys sijn/ leefdage lanck voir de voirs(creven) vijf pet(er)s tsjaers te behoude(n) ende t(er) ande(r) zijden dat de voirs(creven) bertele(n) als/ momboir sijns wijfs acht(er)volgen(de) zijnd(er) p(rese)ntacien/ die goede soude stelle(n) ende houden in goede r(e)delik(en)/ r(e)paracien soe dat behoirt In (con)s(ili)[o] opidi maii xxviii
//
dat de selve huerlinck gehoude(n) soude sijn sijn leefdage/ lanck de hueri(n)ge tacht(er)volgen ende te voldoene ende/ dat hij hem selven met zijnd(er) eedt nae de kennesse/ die hij dairaf dede niet purge(re)n noch ontslaen en/ soude noch oic co(n)nen hem selve(n) aengezwo(re)n dat de/ voirs(creven) wilen jan in zijne(n) leven(en) hem die verdragen/ hadde hem des gedragen(de) totten rechte ende van div(er)se/ gebreke(n) die de huerlinc alligeerde van r(e)paracien aen/ tselve huys D(air)aff p(rese)nteerde hij die alsoe te doen r(e)pare(re)n/ ende onderhouden dat de huerlinc bellicx gheen reden(en)/ en soude hebbe(n) hem des te becroene(n) Es get(er)mineert/ ende uutgesproke(n) dat de voirs(creven) huerlinc gehouden/ soude sijn acht(er)volgen(de) zijnd(er) hueri(n)gen tselve huys sijn/ leefdage lanck voir de voirs(creven) vijf pet(er)s tsjaers te behoude(n) ende t(er) ande(r) zijden dat de voirs(creven) bertele(n) als/ momboir sijns wijfs acht(er)volgen(de) zijnd(er) p(rese)ntacien/ die goede soude stelle(n) ende houden in goede r(e)delik(en)/ r(e)paracien soe dat behoirt In (con)s(ili)[o] opidi maii xxviii
Nagekeken door: Jan Boncquet
Moderator: Jan Boncquet
Laatste update:: 2017-01-17 door Xavier Delacourt