Vand(en) questien gecomen voe(r) meye(re) ende scepen(en) van loven(e)/ tusschen jacoppe [vacat] marscalc woenen(de) inde/ hoelstrate t(er) eenre ende der werdi(n)nen ph(ilip)s vanden/ breyne t(er) ande(r) zijde(n) aldair de voirs(creven) jacop dede segge(n) hoe/ dat hij hadde doen co(m)me(re)n ende in rasteme(n)te sette(n) zeke(re)n/ pe(n)ningen gecome(n) van eenen peerde toebehoiren(de) eene(n) geheete(n)/ de zwerte dwelc die van sinte m(er)tens in des(er) stadt gecocht/ mochte(n) hebben dwelc hij gecureert hadde staende doen t(er)/ tijt ten huyse der voirs(creven) jouffr(ouwen) inden hert hopen(de) alsoe/ sijn gebreck dairaen te verhale(n) dwelc hij p(rese)nteerde te/ verifice(re)n opdat des behoefde Dairtege(n) de voirs(creven) jouffr(ouwe)/ dede seggen dat hij met zijne(n) rastemente verdoelt was/ ende in dien te spade gecomen want voirs(creven) peert/ vercocht was ende de pe(n)ni(n)gen die dair van comen wa(r)en/ oft souden comen wa(r)en huer geloeft bij consente vanden/ voirs(creven) zwerte huer die ov(er)geven(de) om tot huer(en) schult te/ geraken(e) van xxv rinsgulden(en) xiiii stuv(er)s eens D(air)aff de/ pe(n)ni(n)gen vanden vercochte peerde niet meer en gedroege(n)/ dan xxiii rinssche gulden(en) P(rese)nte(re)nde dair van hue(re)n eedt/ te doene dat zij de selve so(m)me vande(n) perde gehaven/ hebbe(n)de noch tachte(r) soude wesen van huer schult ende/ noch niet in dien volbetaelt te zijne noch toe te/ comen(e) van des de selve swerte ende sijn pert/ dair questie af es vertheert mochte(n) hebben tot hue(re)n/ huyse van gerekend(er) schout seggen(de) nae dien dat/ zij p(rese)nteerde te thoene(n) dat de pe(n)ni(n)g(en) vand(en) coma(n)scape/ huer geloeft wa(r)en ende dat voe(r) trastement des voirs(creven)/ jacops opde voirs(creven) pe(n)ni(n)gen gedaen dwelc zij op eene(n)/ borghe ontslagen hadde die de voirs(creven) jacoppe v(er)volghde/ ende dair zij voe(r) int(er)venieerde dat hij met/ zijnen voirnemen(e) in desen verdoolt soude wese(n)
//
opde(n) borghe oft hue(r) t(er) causen vande(n) voirs(creven) pe(n)ni(n)gen D(air)op/ de voirs(creven) jacop r(e)plice(re)nde seydt want tgene des hij/ vervolghde was van pijne(n) ende arbeyde bij hem aent/ voirs(creven) pert gedaen ende tselve peert den meeste(n) tijt/ tzijnent bracht hadde geweest bijde(n) diene(r) der voirs(creven)/ jouffr(ouwen) ende aldair gestaen hadde ende heymelijck/ alsoe hij seyde hem ontsteken was ende ewech geleydt/ dwelc hij al oic p(rese)nteerde te thoene(n) ontkynnen(de) de/ voirs(creven) jouffrouwe(n) dat hue(r) de pe(n)ni(n)gen gecomen/ vanden peerde gelooft souden wesen bijde(n) p(ate)r van/ s(in)te m(er)tens voirs(creven) bij consente vanden swerte ende/ bleef alsoe bij zijnd(er) voirs(creven) conclusien als dat de/ scepen(en) t(er) manissen smeyers de voirs(creven) p(ar)tien wesen/ tot hue(re)n thoene ende ten daghe dairtoe dienen(de)/ den selven in wed(er)zijde(n) geleydt sijnde de voirs(creven) jacop/ sijn vermet met genoech volcomen(en) nae recht Mair/ de voirs(creven) jouffr(ouwe) thoende cleer boven hue(re)n gep(rese)nteerde(n)/ eedt dat de voirs(creven) pe(n)ni(n)gen gecome(n) vanden peerde/ bijden p(ate)r hue(r) geloeft wa(r)en voe(r) trastem(en)t va(n) jacoppe/ ende oic bij consente vanden zweerte ende der zelver/ alsoe ov(er)bewesen wert gewesen nae tsluyte(n) vand(en)/ selv(er) saken bij p(ar)tien in wed(er)zijde(n) t(er) manisse(n) smeyers/ bijde(n) scepen(en) dat in alsoe verre de voirs(creven) jouffrouwe/ hue(re)n gep(rese)nteerden eedt dade dat de voirs(creven) jacop/ met zijnd(er) aenspraken verdoelt wae(r) opde voirs(creven)/ jouffr(ouwe) ende hue(re)n borghe t(er) causen vande(n) pe(n)ni(n)g(en)/ voe(r) genoempt dair zij voe(r) int(er)venieerde In/ scampno maii xxvii