It(em) marie vand(er) paelt weduwe gheerts wilen de witte heeft/ geloeft janne van daelhem xiiii mudde(n) rocx pacht van erps/ ende mate van loven(e) met wa(n)ne ende vede(re)n wel bereyt tusschen/ dit ende tsint andriesmesse naistcomen(de) te betalen(e) tamq(uam) ass(ecutu)[m]/ behalven dat de voirs(creven) weduwe den voirs(creven) janne leve(re)n zall/ een half mudde tarwen een halst(er) erweten ende een halster/ raepsaets in afslage vanden voirs(creven) coren(en) Voirtmeer heeft/ geloeft de voirs(creven) wed(uwe) te betalen(e) alle(n) desselfs jans buyte(n) pachte(n)/ van zijne(n) landen inde voirs(creven) pechtinge begrepen zonder/ zijnen cost oft last ende desgelijcx oic den pacht vanden/ buyten lande hem niet toebehoiren(de) ende oic dat zij alle/ de buyten lande(n) die gheert wilen de witte huer man/ te pachte genome(n) hadde tegen wien dat zij alsoe v(er)re die/ in des voirs(creven) jans hof voirs(creven) gewonne(n) ende gewerve(n) hebben/ geweest binnen thien oft xii jae(re)n dat zij d(air)af sceyde(n) zal/ ende den selve(n) hove laten volgen ende oic te betalen(e)/ den voirs(creven) janne allen zijnen pacht walm all geheel/ ende allet stroe dat int voirs(creven) hoff es dair te laten(e)/ ende desgelijcx oic zijn oeft zonde(r) zijnen cost thuys/ te leve(re)n ende zijn carweyden te doene cor(am)/ berghe hove augusti xxii