Tractaet om te come(n) tott(er) zoene(n) des dootslaechs gesciet/ ende gep(er)petreert bij janne(n) oliviers den jonge(n) en(de) ja(n)ne reers/ beyde van houdert inde(n) p(er)soen arnts staels geheeten loenijs/ Es toegegaen opde vuegen forme(n) ende manie(re)n h(ier) nae v(er)claert/ Inde(n) yersten soe zulle(n) de voirs(creven) feyteurs doen doen tgebet va(n)/ iii(½) cloeste(re)n voe(r) de salicheit vand(en) ziele(n) des voirs(creven) arnts/ staels It(em) voirts zulle(n) de selve jan oliviers ende jan reers doe(n)/ stelle(n) ende setten binne(n) xl dage(n) naistcomen(de) een hulte(n) cruys/ ind(er) p(ro)chien van rode sinte pet(er)s t(er) plaetssen geheete(n) opden/ hoevel bij oft omtrint der linden It(em) voirts zulle(n) de voirs(creven)/ feyteurs stelle(n) opden wissel der stadt van loven(e) binnen/ xv dagen nu naistcomen(de) de so(m)me va(n) vijftich pet(er)s te/ xviii stuv(er)s tstuck ende drie pl(a)c(ken) voe(r) den stuv(er) om die/ bekeert te wordde(n) in lijfpen(sien) ten live jans staels wettichs/ zoens des voirs(creven) arnts ende tot eene(n) ande(re)n live dwelck/ bijde mo(m)boirs genoempt zall wordde(n) en(de) dat zoe eer soe bat/ It(em) zulle(n) noch de voirs(creven) twee p(er)soene(n) noch uuytreycke(n)/ ende betale(n) met zonne schijne janne ende henr(icke) staels/ gebruede(re)n des voirs(creven) wilen arnts ende oems des voirs(creven) jans/ staels des zoens de so(m)me van twintich pet(er)s eens/ te xviii stuv(er)s tstuck ende drie pl(a)c(ken) voe(r) den stuver/ inder werden voirs(creven) Ende mits desen soe sal de voirs(creven)/ jan staels als oem ende mo(m)boir vanden voirs(creven) janne/ staels wettich zone des voirs(creven) wilen arnts ond(er) zijn dage
//
zijnde de zoene vanden voirs(creven) dootslage ontfange(n) met/ condicien ende vorweerden soe verre dat naemaels gebuerde/ dat de voirs(creven) jan de zone de voirs(creven) zoene niet en soude wille(n)/ houde(n) van weerde(n) mair de veede kuese soe zulle(n) de voirs(creven)/ gebrueders mo(m)boers ende oems vanden voirs(creven) janne sculdich/ zijn den voirs(creven) p(er)soene(n) feyteurs te restitue(re)n de voirs(creven) vijftich/ pet(er)s mette(n) rinten die d(air)af alsdan v(er)schene(n) zulle(n) wese(n) ende oic/ de ande(r) twintich pet(er)s eens bij hen als voe(r) ontfange(n) cor(am)/ hermeys hove septembr(is) quarta