It(em) anne preyma(n)s docht(er) wile(n) henr(ix) ter eend(er) jan robbeert/ thomaes ende mathijs sgreve(n) kinde(re) wile(n) jans die hij hadde/ van m(ar)griete(n) preyma(n)s zuster der voirs(creven) annen inde(n) name/ van hen ende van wegen der wettig(er) kinde(re)n mathijs mi(n)ne/ die hij heeft va(n) m(ar)grieten sgreven zust(er) der voirs(creven) gebrued(er)s/ ende vand(en) kinde(re)n henr(ix) wilen sgreven oic brued(er) als hij/ leefde der voirs(creven) brueders ende zusters ter ande(re) mathijs/ preymans inden name van hem selve(n) ende van wegen/ roelofs sijns brueders ter derde zijden zijn samentlijck/ eensworde(n) ende ov(er)comen mi(n)lijck der poente(n) ende condicien/ naebescreve(n) Te weten(e) dat de voirscr(even) anne preymans/ voir deen derdendeel de kinde(re) sgreven voir dand(er) derdendeel/ ende de twee gebrueders preymans voir tderde derdendeel/ aenveerden heffen ende bue(re)n zullen alle ende yegewelke/ goede haeffelike ende erffelike verstorve(n) ende gebleve(n) nae/ de doot ende aflivicheyt henr(ix) wile(n) preymans brued(er) der/ voirs(creven) a(n)nen ende oem der ande(re) p(er)soen(en) voirscr(even) alsoe dat/ eenyegelijck vande(r) zelve(r) p(ar)tien niet meer hebbe(n) en zall/ dan dande(r) ende vanden erfgoeden behoirl(ick) v(er)thienisse/ doen als zijs van malcande(re)n des bege(re)n zulle(n) cor(am) berg(he)/ h(er)meys julii xiiii