Want joh(ann)es sp(er)maige als geleydt nae des(er) stadt recht voir/ sijn wettich gebreck uuyt crachte van scepen(en) brieve(n) van/ loven(e) tot alle(n) den goeden beyde have en(de) erve willems/ blocschoens soe wair die gelegen zijn hem met eene(n) brieve/ van des(er) stadt gescreve(n) aenden vorste(r) vand(en) vue(re)n geheete(n)/ jan vand(en) wate(re) alle de selve goede heeft doen leve(re)n/ ende dach van rechte doen besceyden den selve(n) willem(me)/ te compare(re)n inde banck voe(r) meye(r) ende scepen(en) van/ loven(e) oft hij he(m) d(air)tege(n) hadde willen oppone(re)n ald(air) hij op/ heden als ten verstreken(en) daghe niet gecompareert en es/ noch p(ro)cur(eur) van zijne(n) wegen den voirs(creven) geleydde(n) compare(re)nde/ ende trecht voirt versuecken(de) Soe hebben scepen(en) van/ loven(e) t(er) manisse(n) smeyers nae dat hen bij rapporte pauwels/ bierman der stadt bode behoirlijck gebleke(n) heeft de voirs(creven)/ leveri(n)ge en(de) dach besceydinge gesciet te zijne navolgen(de)
//
der cleernisse(n) desselfs pauwels gesciet octobr(is) xxiii lestled(en)/ gewesen voir een vonnesse datme(n) den voirs(creven) geleydden/ vanden voirs(creven) goede(n) houde(n) zoude inde macht van zijnen/ beleyde scepen(en) brieven ende leveri(n)gen alsoe v(er)re alst/ noch voir scepen(en) comen es In scampno nove(m)br(is) qui(n)ta