It(em) baudewijn bellens des(er) stadt bode heeft/ gecleert bij eede dat hij met brieve(n) vand(er) stadt/ ten versueke he(re)n jans de ponte canoni(n)cx/ sinte pet(er)s te luydick voir hem ende zijne(n)/ medebrued(er)s d(air)voe(r) verobligeert geweest/ heeft ind(er) stadt va(n) bruessele ten huyse en(de)/ woenstede hee(re)n en(de) meest(er)s arnts vand(er) beke(n)/ doctoirs in beyden rechte(n) dien hij d(air) niet/ en vant mair alleene een sijne dienstjouffr(ouwe)/ en(de) oic zijn maerte den welke(n) hij zijne(n)/ brieve(n) p(rese)nteerde des omtrint xiiii dage/ voe(r) kersmesse lestlede(n) oft meer gelede(n) mach/ zijn met welke(n) brieve meeste(re)n arnde voirs(creven)
//
gecu(n)dicht was tot zijne(n) huyse ende in zijnd(er)/ absentien gelijck voe(r) hoe de voirs(creven) hee(re)n van alhier/ opde(n) wissel tot zijne(n) behoef gestelt hadde xvi/ rinsgulden(en) eens voe(r) zijne(n) pacht lestwerf in/ nove(m)bri gevalle(n) vande(r) xvi rinsgulden(en) lijfpen(sien)/ die hij arnde(n) selve(n) he(re)n ja(n)ne ende zijne(n) mede/ pleg(er)s jairlijcx met scepen(en) brieve(n) van loven(e)/ heffen(de) es ten prijse ende inde(n) valeure soe die/ stonden ten prijse vanden valdaghe Cleerde/ voirts dat de voirs(creven) dienstjouffr(ouwe) he(m) seyde/ dat hue(r) jouffr(ouwe) bynne(n) drie oft vier dage(n)/ van ghent comen soude ende dan soude zij huer/ den brief geven ende oft zij niet en quame soe/ soude zij huer den brief seynden te dien eynde/ dat hier af blijcken moege voe(r) den toecomen(de)/ tijt cor(am) b(er)ghe h(er)meys januarii secu(n)da