Vand(er) questien gecome(n) bij den raide vand(er)/ stadt tusschen ja(n)ne van hoevelde en(de) zijne/ mede consorten t(er) eend(er) en(de) ja(n)ne borreman/ t(er) ande(r) zijden inden name van lijsbette(n) loema(n)s/ sijnd(er) weerdynne(n) ald(air) de voirs(creven) jan inden/ name als voe(r) versocht mits seke(re)n bevele/ des hoofs van ludick zeke(re) getuyge(n) gehoirt/ te hebben(e) aengaen(de) zeke(re) makinge(n) en(de) testame(n)ten/ marien wijlen luemans symoens wijlen/ vande(n) hoevelde weerdynne in die depositie/ ov(er) gecertificeert te wordde(n) de(n) voirs(creven) gheestelick(en)/ gerichte(n) D(air)tege(n) de vors(creven) jan borreman in den name/ als bove(n) ende met he(re)n reyne(r) vand(er) elst prochiae(n)/ der kercke(n) van sint jacops bynnen des(er) stadt/ hebben(de) ald(air) testame(n)t d(er) voirs(creven) marie(n) hebbe(n) gesustineert/ want de weerde en(de) onweerde vande(n) testame(n)te/ behoerde bijden officiael ende zij ald(air) niet betoge(n)/ en wae(re)n geweest noch egheene litispruden(tie)/ in dien alnoch en wae(re) dat int (con)trarie oft/ afnemen(de) vanden selve(n) alh(ier) niet schuldich/ en wae(r) e(n)nige depositie te geschieden(e) ende/ dat dat wae(r) buyte(n) ordene van rechte/ want zij billix yerst betogen soude(n) wordde(n)/ bijde(n) officiael voirs(creven) om in desen ende d(er)/ weerde(n) oft onweerden vand(en) testamente/ te geschien(e) alsoe behoe(re)n soude en(de) ald(air) and(er)s/ in desen p(ar)tien gehuert geordineert soude/
//
mogen werdden Hoopen(de) alsoe de contrarie/ vanden voirnemen(de) d(er) voirs(creven) wed(er)p(ar)tien als/ dat zij in desen alh(ier) verdoelt wae(re)n noch/ dat oick hier voirmaels alhier vanden/ ghelijcken niet gebuert en were Es geappoin/ teert dat de voirs(creven) jan vande(n) hoevelde/ inden name als bove(n) nae dwederleggen/ van zijnd(er) p(ar)tien met zijne(n) voernemen(de) alh(ier)/ verdoelt was mair geliefde p(ar)tien in desen/ e(n)nich recht te vorde(re)n dat zij dat soude(n)/ moegen doen voire tgeestelijcke gerichte/ In cons(ili)[o] op(idi) januarii iiii[ta]