Vand(er) aenspraken gedaen voe(r) meye(r) en(de) scepen(en)/ bij ja(n)ne zedele(re) t(er) eenre ende ja(n)ne moens t(er)/ ande(r) zijde(n) seggen(de) en(de) te kenne(n) geven(de) de/ voirs(creven) jan zedele(re) hoe dat hij als stocmeest(er) in tijde(n) vand(er) orloge(n) voirlede(n) tarschot geva(n)ge(n)/ hadde gehadt den voirs(creven) ja(n)ne moens met meer/ ande(re)n p(er)soene(n) ende dat hij hem geloeft ende/ toegeseeght soude hebbe(n) in recompe(n)sien van zeke(re)n/ costen ald(air) bij hem ende den ande(re)n gedaen te betalen(e)/ de so(m)me van viventwintich rinschegulden(en) deylen(de)/ hem d(air)af deen eedt vande(n) voirs(creven) toeseggen(en) Dair/ teghen de voirs(creven) jan hem verantwerden(de) heeft/ doen seggen dat hij hier voirmaels tot arschot/ geva(n)gen es geweest uut saken vande(n) welke(n)/ hij den selve(n) janne zedele(re) ende den zijne(n)/ aldair wesende betaelt hadde vijftien/ rinsgulden(en) d(air)af zijn coste(n) mochte(n) gedrage(n)/ acht rinsguld(en) oft d(air)omtrint betalen(de) nochtans/ alsoe vele ov(er) om beters wille ende anderssins/ van dair qualic mochte sceyde(n) vand(en) voirs(creven)/ ja(n)ne stocmeest(er) wesen(de) ende den zijne(n) hij en/ moeste de voirs(creven) so(m)me betale(n) bove(n) zijn ranchoen/ doen t(er)tijt gemaict seggen(de) en(de) p(rese)nte(re)nde/ voirts zijne(n) eedt he(m) bijd(en) voirs(creven) zijnd(er) p(ar)tien/ gedeylt als dat hij hem gheen voirde(r) gelufte(n)/ gedaen en hadde van enige(n) voirde(re)n pe(n)ni(n)gen/ zijnd(er) wed(er)p(ar)tien te betalen(e) in egheend(er) manie(re)n/ hopende wair hij zine(n) eedt dade dat hij der/ aenspraken ongehoude(n) soude zijn Es gewese(n)/ bijd(en) scepen(en) t(er) manissen smeyers in alsoe verre/ jan moens zijne(n) eedt doet ind(er) maten hij dien/ gep(rese)nteert heeft te doene vand(er) aenspraken(en)/ scult dat hij d(air)af ongehouden sal wesen Actu(m)/ in scampno januarii xii