Condt zij (et)c(etera) dat henrick jan peet(er) arnt ende lod(ewijck)/ blanckarts gebruede(re)n kinde(re)n arnts t(er) eenre ende/ henr(ick) va(n) boenerode en(de) magdalene blanckart/ zijn huysvrouwe zust(er) der voirs(creven) gebruede(re)n/ t(er) ande(r) zijde(n) met malcande(re)n ov(er)comen zijn d(er)/ pointe(n) gelufte(n) en(de) conditien naebescreve(n) Te weten(e)/ dat de voirs(creven) gebruede(re)n den voirs(creven) henr(icke) en(de)/ zijnd(er) huysvrouwe(n) geheelijc en(de) al los ende vry/ houde(n) sulle(n) van alle alsulken co(m)me(re)n en(de) laste(n)/ als deselve gebruede(re)n gedaen moege(n) hebben/ int jair voirlede(n) om den voirs(creven) arnde hue(re)n/ vad(er) geva(n)gen zijnde te lossen aen henr(icke) vand(er)/ heyde(n) geheeten yngerams en(de) ande(re) laste(n) hoedanich/ die soude(n) moege(n) zijn het wa(r)e erffelijck oft lijftochte(n)/ alsoe wel vande(n) pri(n)cipale(n) als vande(n) v(er)loepen(en)/ rinte(n) alsoe dat den selve(n) henr(ick) en(de) zijnd(er) werdi(n)ne(n)/ genoech sal moege(n) wese(n) tot eeuwige(n) dagen/ ende qualijc va(n) alle(n) alsulke(n) coste(n) en(de) laste(n) als zij ae(n)gaen(de)/ d(er) lossinge(n) vand(en) selve(n) hue(re)n vad(er) gedaen moegen
//
hebben Ende de voirs(creven) gebrued(er)s hebbe(n) geconsenteert/ ende gewillecoirt ende mits desen consente(re)n en(de)/ gewillecoren dat de voirs(creven) henr(ick) en(de) sijn huysvrouwe/ behoude(n) zullen alle alsulke(n) have als zij te/ henwerts hebben gebleve(n) naede aflivicheyt/ anne(n) wijle(n) blanckarts zust(er) der voirs(creven) gebruede(re)n / en(de) oick van huer(en) alle(n) moed(er)wege(n) zond(er) die/ e(n)nichssins te derve(n) inne te bringe(n) in deyli(n)ge(n)/ ende nochtans deylen in have en(de) erve nae/ hue(r) part en(de) avena(n)t in des zij [anders] ond(er) malca(n)de(re)n/ te deylen soud(en) moge(n) hebben Ende es noch/ voirweerde tussche(n) de voirs(creven) p(ar)tien dat de/ voirs(creven) gebruede(re)n zulle(n) moegen v(er)cope(n) eene(n)/ beempt geheete(n) broeceussel gelege(n) te holsbeke/ om mette(n) pe(n)ni(n)gen d(air)af comen(de) de voirs(creven) laste(n)/ om huers voirs(creven) vaders wille gedae(n) als voe(r)/ af te legge(n) ende te cuele(n) Ende dair toe sal/ de voirs(creven) henr(ick) met zijnd(er) huysvrouwe(n) den/ voirs(creven) zijne(n) zwag(er)s te halme en(de) te monde/ come(n) om den coep(er)e d(air)af genoech te doene/ zond(er) dat hij vande(n) selve(n) pe(n)ninge(n) d(air)af comen(de)/ te weten(e) van zijne(n) parte en(de) porcien enich/ gedeelte hebbe(n) sal soe langhe de voirs(creven) arnt/ zijn zweer livech en(de) leven(de) wese(n) sal Ende nae/ sijn aflivicheit sulle(n) de voirs(creven) henr(ick) boene(n)rode/ en(de) zijn huysvrouwe bijd(en) voirs(creven) zijne(n) gebrued(er)s/ in dien voldaen wordde(n) ende zulle(n) de/ voirs(creven) gebrued(er)s den voirs(creven) henr(ick) ende sijn huysvr(ouwe)/ en(de) hue(r) goed(en) los en(de) vry houde(n) vand(en) tocht/ vanden selve(n) beempde die de voirs(creven) arnt/ sijn sweer dair inne houden(de) es ende [des] uuyt/ saken van dien den selve(n) derve(n)de de voirs(creven)/ sijn kinde(re) in hem gehoude(n) soude(n) moegen/ wesen in dien versien dat de selve gehuyssche(n)/ nae de aflivicheyt vand(en) voirs(creven) arnde den/ vad(er) inde(n) selve(n) beempt huer aengedeelte
//
hebben sullen gelijc elcx des ande(re)n kinde(re)n voirs(creven)/ gedeelte in dien soude moege(n) gedragen Ende/ mits desen sulle(n) de voirs(creven) henr(ick) en(de) sijn huysvr(ouwe)/ sculdich sijn behoirlijcke guedinge en(de) vesticheyt/ te doene meeste(re)n b(ar)telmeeuse kyp en(de) zijnd(er) werdi(n)ne(n)/ van alsulke(n) vier mudden corens als de selve/ gehuyssche(n) tege(n) de voirs(creven) kinde(re)n blanckarts/ gecocht moege(n) hebbe(n) staende op zeke(re) pande(n) gelege(n)/ te velpe welke gebrued(er)s den voirs(creven) henr(icke)/ boene(n)rode en(de) zijn huysvrouwe zust(er) der selv(er) gebruede(re)n/ geloeft hadde(n) te v(er)va(n)gen Ende alle dese poente(n)/ voirs(creven) hebbe(n) de voirs(creven) p(ar)tien geloeft malcande(re)n/ te voldoene niet wed(er)staende enige voirweerde(n)/ en(de) co(n)vencie(n) tande(re)n tijde(n) tussche(n) den selve(n) p(ar)tien/ oft e(n)nige(n) van hen d(air)af gemaect cor(am) naus(nijdere) donct/ aprilis xx