Vand(er) questien die voe(r) den raide vand(er) stadt/ geweest heeft tussche(n) willem(me) vand(en) steenbrugg(en)/ met henr(icke) de becke(re) ty(m)merlude(n) t(er) eend(er) en(de) h(er)/ reyne(re) vand(er) elst prochiaen joes(en) van oirbeke en(de)/ giel(isen) crol kerckmeest(er)s en(de) giel(isen) de mu(n)te(re) den/ jonghe clerck vand(er) kerck(en) van s(in)te jacops/ opde biest t(er) ande(re) ald(air) acht(er)volgen(de) seke(re)n voe(r)/ t(er)mi(n)acien bijd(er) stadt gegeve(n) tussche(n) de selve/ p(ar)tien d(air)mede deselve stadt dese questie/ vand(en) valo(r)en vand(en) pe(n)ninge(n) d(air)af hier nae/ geruert wordt thuer(en) weert behouden/ hadde en(de) vand(en) gebreke(n) die de kerckmeest(er)s/ allige(re)n te hebben vand(en) voirs(creven) ty(m)merlude(n)/ den selve(n) raid p(ar)tien versonde(n) hadde(n)/ inde banck voe(r) meye(re) en(de) scepen(en) de selve/ ty(m)merlude(n) begeerde(n) betalinghe te hebbe(n)/ vand(en) verdingden wercke dat zij gemaeckt/ hadden aengaen(de) d(er) cappe en(de) des dair/ aencleeft van des heylichs cruys capelle/ inde selve kercke besundert vande(n) twee/ payen en(de) t(er)mijne(n) d(air)aff alnoch ombetaelt/ uuytstaen(de) in zwa(r)en gelde en(de) mu(n)te nu/ loopen(de) Te voirde(r) want he(n) vande(n) gelijcke(n)/ bijd(er) stadt namelijc vand(en) houte dat zij/ selve hadde(n) moete(n) coope(n) en(de) totte(n) wercke/ beseghen geleert en(de) get(er)mineert was geweest/ met meer reden(en) d(air)toe bij he(n) int langhe/ in gescrifte gealligeert Dair tegen de/ prochiaen mette(n) kerckmeest(er)s in gescrifte/ vele div(er)se reden(en) t(er) (con)trar(ien) allige(re)nde/ namelijc en(de) ond(er) den ande(re)n dat zij/ tselve werck wel om mynd(er) prijs gemaict/ soud(en) hebbe(n) gehadt oick stoende(n) d(air)op/ pene(n) op dat dat te kersmesse lestleden/ niet volmaect en wa(r)e geweest soe dat
//
en was d(air)nae allen weken van een(en) rinsguld(en)/ d(air)aen te cortte(n) Oick hadde(n) de wercluden/ seke(re) p(rese)ntac(ien) in hue(re) gescrifte(n) gedaen van/ goede(n) mans te neme(n) en(de) dwerck te visente(re)n/ om te weten(e) wes d(air)aen verdient mocht/ wesen met meer ande(re)n lange(n) reden(en) ende/ lengaige(n) d(air)bij zij tendeerde(n) met lichte(n)/ gelde te gestaen(e) oft ten mi(n)sten dat dwerck/ gelijc voe(r) gevisenteert soude wordd(en) Tege(n)/ dwelcke de ty(m)merlud(en) replice(re)nde al mochte(n)/ zij e(n)nighe p(rese)ntac(ien) voirs(creven) gedae(n) hebbe(n) soe en/ hadden de kerckmeest(er)s die niet willen/ aenneme(n) noch d(air)mede te vrede(n) wesen/ oick al hadde de ty(m)meringhe te kersmesse/ bereet geweest om te richte(n) die metselrie/ d(air)men die op soude hebbe(n) gericht en was/ nyet bereet voe(r) xiiii nachte(n) voe(r) paessche(n)/ lestlede(n) en(de) alsoe en conste(n) de kerckmeest(er)s/ die he(n) gheen ghereetscap vand(er) metselrie(n)/ en hadden conne(n) gedoen niet v(er)let gesijn/ mett(er) ty(m)meringhe(n) Es get(er)mineert ende/ uuytgesproken p(ar)tien en(de) hue(r) voirs(creven) ov(er)gegeve(n)/ gescriften in wed(er)zijden int langhe gehoert/ dat dyerste payment te weten(e) tderdeel/ van hondert lxxii rinssche gulden(en) betaelt/ zijnde met licht(en) gelde int beghinssel/ alsmen dwerck verborghde betaelt soude/ blive(n) en(de) betalinghe maken en(de) cortsel doen/ aen de geheel so(m)me voirs(creven) en(de) dat de kerckmeest(er)s/ ae(n)gaen(de) den tweeste(n) payme(n)te oft tderdendeel/ dat de selve kerckmeest(er)s oick gestae(n) sulle(n)/ dat te betale(n) met lichte(n) gelde en(de) dat zij/ tderde payme(n)te betale(n) sulle(n) in zwa(r)en mu(n)te/ nu cours en(de) loop hebben(de) In cons(ili)[o] op(idi) maii/ v[ta]