Item sijn bleve(n) ende gevallen den voirs(creven) goirde/ rogge in zijn deylinge de goede chijsen ende rinten/ naebescreven Ierst eenen besloten(en) beempt geheeten den/ langenbeempt gelegen inde(n) prochie van hev(er)le It(em) een/ half vie(re)ndeel wijng(ar)ts gelegen op schoerberch sub iu(r)e/ prius t(er)m(in)is debit(is) p(er)solven(do) Item vijff rinsgulden(en) erffelijck/ opde stadt van thiene(n) die v(er)erft staen op gelden rogghe/ vallen(de) half xxvii augusti en(de) half xxvii februarii It(em)/ sesse rinsgulden(en) ende vijff stuv(er)s erffelijck aen/ ende op een huys ende hoff met zijne(n) toebehoirte(n)/ gelegen inde steenstrate wijlen toebehoirende den/ voirs(creven) kinde(re)n rogge ende dwelck zij onlancx/ leden ten erfchijse uutgegeven hebben machiele van/ potsuynsberghe voir hem ende zijnen nacomelingen/ It(em) eenen peet(er) erffelijck van alsulken/ drie pet(er)s erffelijck als jouffrouwe yde/ wijlen rogs jairlijcx hadde ende heffende/ was op thoechuys geheeten den roesengart/ gelegen inde hoelstrate ald(air) naest den/ roesen(en) hoet It(em) tweelf halste(re)n rocx/ der maten van loven(e) erfpachts aen ende/ op tvoirs(creven) hoff vand(er) elst ende dbloexken/ lants gelegen te vaelbeke den voirscr(even)/ pete(re)n rogghe in deylingen gevallen Met/ conditien ende vorweerden dat de selve/ peet(er) rogghe ende sijn erven ende na/ comelingen den voirgenoemden/ erfpacht van tweelff halste(re)n rocx
//
halste(re)n rocx sal moegen lossen ende afquiten tot eene(n)/ male oft te meer [twee] malen mair niet min dan de zesse/ halste(re)n d(air)aff telke(n) male ende elc halst(er) dairaf met/ vier pet(er)s te xviii stuv(er)s tstuck ac cum Met sulker/ condicien ende vuegen dat de voirs(creven) marie vanden/ berghe moeder vanden voirs(creven) goirde rogghe op alle/ ende yegewelke de voirs(creven) goede chijse ende rinten/ den selve(n) goirde [gelijc voe(r) in deylingen] gebleve(n) jairlijcx heffen ende bu(r)en/ sal hue(r) leefdaghe lanck ende niet langhe(r) een mudde/ rocx der maten van loven(e) opten xxix dach van/ mey dwelc deselve goirdt zijnd(er) voirs(creven) moeder/ jairlijcx [ten selve(n) daghe] sculdich sal sijn te leve(re)n zonder hue(re)n cost/ oft last quol(ibe)t ass(ecutu)[m] Hanc quoq(ue) et sat(isfacere) prout cor(am)/ eisd(em)